आयाक्स कप्तानका लागि युनाइटेडको मोटो रकमको प्रस्तव

एजेन्सी- प्रिमियर लिग क्लब म्यानचेस्टर युनाइटेडले आयाक्सका कप्तान म्याथिज डि लिटलाई अनुबन्ध गर्न मोटो रकमको प्रप्ताव गरेको छ । रिपोर्टका अनुसार युनाइटेडले म्याथिजलाई वार्षीक १४ मिलियन युरो तलब भत्ता दिने गरि प्रस्ताव गरेका बताइएको छ ।

उनलाई अनुबन्ध गर्न यतिबेला स्पेनिस ला लिगा च्याम्पियन क्लब बार्सिलोना पनि कसरतमा छ । म्याथिजका लागि बार्सिलोनाले ७० मिलियन युरो तिर्न तयार रहेको बताइएको छ । तर, उनका एजेन्ड मिनो राइलोले अझै बढी रकमको माग गरेका छन् । मिनोले म्याथिजलाई बार्सिलोनासँग अनुबन्ध गर्न चाहेको बताएका छन् । तर, बार्सिलोलाने उनका लागि सुहाउँदो रकमको प्रस्ताव नगरेको बताएका छन् ।

यस सिजन आफ्नो टोलीलाई दुई वटा घरेलु लिगको उपाधि दिलाउन म्याथिजले महत्वपूर्ण भुमिका खेलेका थिए । उनकै कप्तानीमा रहेको आयाक्सलाई यस सिजन च्याम्पियनस लिगको सेमिफाइनलसम्म पुर्याउन समेत महत्वपूर्ण भुमिका खेलेका थिए ।

१९ वर्षीय म्याथिजले आफ्नो उत्कृष्ट डिफेन्डीङका साथ साथै एक कुसल कप्तान भएको समेत सावित गरिसकेका छन् । त्यसैले युनाइटेड म्याथिजलाई अनुबन्ध गर्दै फेरी एकपटक प्रतिस्पर्धाका लागि आफ्नो टिमलाई बलियो बनाउन चाहन्छ । युनाइटेड उनका लागि बार्सिलोना भन्दा एक कदम अगाडी बढ्दै मोटो रकमको प्रस्ताव गरेको बताइएको हो ।