एसीसी यु-१९ : नेपालको पहिलो खेल म्यानमारसँग

काठमाडौं- मलेसियामा आयोजना हुने एसीसी यू-१९ इस्टर्न रिजन क्रिकेटको पहिलो खेलमा नेपालले म्यानमारको सामना गर्ने भएको छ । एसियन क्रिकेट काउन्सिल (एसीसी)ले सार्वजनिक गरेको खेल तालिका अनुसार पहिलो खेलमा नेपालले म्यानमारको सामना गर्न लागेको हो । फ्रतियोगिता जुलाई २ तारिख देखी ९तारिखसम्म मलेसियामा चल्ने छ । 

नेपालले आफ्नो पहिलो खेल जुलाई २ तारिख क्वालालम्पुरस्थित एसटीसी ओभलमा म्यानमारको सामना गर्ने छ । त्यस्तै दोस्रो खेल जुलाई ५ मा किनरारा ओभलमा सिंगापुरको सामना गर्ने छ भने तेस्रो खेल ६ जुलाईमा बायुमास ओभलमा चीनको साना गर्ने छ । 

समूह ‘ए’ मा नेपाल सहित नेपाल सहित चीन, म्यानमार र सिंगापुर रहेका छन् । भने समूह ‘बी’मा आयोजक मलेसिया, भुटान, हङकङ र थाईल्याण्ड रहेका छन् । दुबै समूहका शीर्ष दुई टोली सेमिफाइनलमा प्रस्थान गर्ने छन् ।