पिएसजीको लज्जासपद हार

एजेन्सी- फ्रेन्च लिग वान च्याम्पियन पेरिज सेन्ट जर्मन (पिएसजी)ले सिजनको आफ्नो अन्तिम खेलमा रिम्ससँग लज्जासपद हार ब्यहोरेको छ । शुक्रबार राति भएको खेलमा पिएसजी रिम्ससँग ३-१ को अज्जासपद हार ब्यहोरेको हो ।

रिम्सका लाई घरेलु मैदानमा जित दिलाउन बाबा रहमान, माथ्यु काफारो र पाब्लो चाभारियाले एक एक गोल गरे । यता पाहुना टोलीका लागि युवा स्टार खेलाडी केलियन एमबाप्पेले एक गोल फर्काए । 

पिहलो हाफमा १-० गोल अन्तरले पछि परेको पिएसजीले दोस्रो हाफमा एक गोल गर्दा थप दुई गोल खान पुग्यो । खेलको ३६ औं मिनेटमा बाबा रहमानले गोल गर्दै घरेलु टोलीलाई सुरुवाती अग्रता दिलाएका थिए। त्यसपछि खेलको ५६ औं मिनेटमा काफारोले गोल गर्दै घरेलु टोलीको अग्रता दोब्बर पारे । 

५९ औं मिनेटमा एमबाप्पेले एक गोल फर्काउँदै खेलमा फर्किले संकेत दखाए पनि थप पाहुना टोलीले थप गोल गर्न सकेन् । खेलको इन्जुरी समयमा घरेलु टोलीका लागि पाब्लो चाभारियाले गोल गर्दै पिएसजीलाई अन्तिम खेलमा ३-१ को लज्जासपद हारको स्वाद चखाए । 

रिम्सविरुद्ध एक गोल गरेका एमबाप्पेको यस सिजन २९ खेलमा ३३ लिग गोल पुगेको छ । यससँगै एमबाप्पे यस सिजन फ्रेन्च लिगमा सर्वाधिक गोल गर्ने खलाडी बनेकाछन् ।