सुआरेजको स्थानमा लिभरपुलका ओरिगी भित्र्याउने तयारी

एजेन्सी- स्पेनिस ला लिगा च्याम्पियन बार्सिलोनाले लिभरपुलका स्ट्राइकर डिभोक ओरिगीलाई अनुबन्ध गर्ने तयारी गरेको छ ।  रोपोर्टका अनुसार बार्सिलोनाले आफ्ना स्ट्राइकर लुइस सुआरेजको स्थानका लागि ओरिगीलाई अनुबन्ध गर्ने तयारी गरेको हो । 

बार्सिलोनाले अर्को सिजन सुआरेजको ब्याकपको रुपमा ओरिगीलाई अनुबन्ध गर्न चाहेको रिपोर्टमा उल्लेख छ । बेल्जियम स्ट्राइकर ओरिगीले प्रशिक्षक जुर्गन क्लोपसँग सुरुवाती टोलीमा पर्न संघर्ष गरिरहेका छन् । 

तर, उनले २०१८-१९ को सिजनमा लिभरपुलका लागि केही महत्वपूर्ण गोल गरेका छन् । उनले च्याम्पियन्स लिग अन्तर्गत बार्सिलोनासँगको सेमिफाइनल खेलमा महत्वपूर्ण २ गोल गरेका थिए । उक्त खेलमा लिभरपुलले बार्सिलोनामाथी ४-० को अविश्वसनिय जित निकालेको थियो । 

उनले न्युकास्टलविरुद्धको खेलमा विजयी गोल गरेका थिए । खेलको ७३ औं मिनेटमा मोहमद सलाहाको स्थानमा मैदान प्रवेश गरेका ओरिगीले ८६ औं मिनेटमा गोल गर्दै लिभरपुललाई महत्वपूर्ण जित दिलाएका थिए । 

ओरिगीको प्रदर्शन देखेर बार्सिलोना प्रभाबित भएको बताइएको छ । त्यसैले उनलाई सुआरेजको स्थानमा ब्याकअपको रुपमा अनुबन्ध गर्न चाहेको बताइएको छ । २४ बर्षीले ओरिगी सुआरेजको ब्याकअपको रुपमा उत्कृष्ट रहेको फुटबल विश्लेसकहरुले बताएका छन् ।