डिबालाका लागि युनाइटेडको मोटो रकमको प्रस्ताव

एजेन्सी- म्यानचेस्टर युनाइटेडले अर्जेन्टिनी तथा युभेन्ट्सका फरवार्ड पाउलो डिबालाका लागि मोटो रकमको प्रस्ताव गरेको खुलासा भएको छ । आफ्नो स्टार खेलाडी पउल पोग्वले क्लब छोड्न सक्ने हल्ला चलेपछि युनाईटेडले डिबालालाई १२० मिलियन युरोको प्रस्ताव गरेको खुलासा भएको हो । 

डिबालाका लागि सोही रकमको प्रस्ताव अर्को इंग्लिस क्लब लिभरपुलले पनि गरेको अन्तराष्ट्रिय संचार माध्यमले जनाएको छ । पछिल्लो समय डिबाला इटालीमा खुशी नभएको समेत उनका एजेन्टले बताएका छन् । 

त्यसैले पनि डिबालाले यस सिजन युभेन्ट्स छोड्न चाहेको उनका एजेन्टले बताए । यस अघि पनि उनका भाईले डिबालाले यस सिजनको अन्त्यमा केही परिवर्तन गर्न चाहेको बताएका थिए । ‘म भन्दीन की उन कहाँ जानेछन् । तर, यहाँ धेरै सम्भावना छ की उनी क्लब छोड्ने छन् । किनकी उनी हाल इटालीमा खुशी छैनन्’ उनका भाईले भने । 

२५ वर्षीय डिबालाले इटालियन सिरी ‘ए’मा युभेन्ट्सलाई लिग च्याम्पियन बनाउन महत्वपूर्ण भुमिका खेले पनि उनी यस सिजन धेरै जसो खेलमा पहिलो रोजाईमा पर्न सकेका थिएनन् । उनले यस सिजन सिरी ए का २९ खेल खेल्दा मात्र ५ गोल गरेका छन् । 

उनले सबै खाले ४१ खेलमा १० गोल गरेका छन् । यसै सिजनको सुरुवातमा स्पेनिस ला लिगा क्लब रियल मड्रिडबाट जोर्चुगिज सुपरस्टार खेलाडी क्रिस्टियानो रोनाल्डो युभेन्ट्स भित्रिएपछि डिबाला उनको छायामा परेको बताइएको छ । त्यसैले डिबलाले यस सिजन पछि युभेन्टस छोड्ने मनसाए बनाएको बताइएको हो ।