पिएम कप : पारसको कप्तानीमा प्रदेश नं.३ को टोली घोषणा

काठमाडौं- प्रधानमन्त्रि कप एकदिवसीय क्रिकेटका लागि प्रदेश नं.३ ले नेपाली राष्ट्रिय टोलीका कप्तान पारस खड्काको कप्तानीमा १४ सदस्यीय टोलीको घोषणा गरेको छ । जेठ १० गतदेखी २५ गतेसम्म संचालन हुने प्रतियोगिताका लागि प्रदेश ३ ले आफ्नो १४ सदस्य टोली घोषणा गरेको हो । 

टोलीका कप्तान पारस सँगै उपकप्तान ज्ञानेन्द्र मल्ल, सोनु तामाङ, जितेन्द्र सिंह ठकुरी, इशान पान्डे, रित गौतम, प्रतिस जि.सी, अभिषेक बस्नेत, सुर्य तामाङ्ग, सोनु देवकोटा, नन्दन यादव, गौतम केसी, आदिल खान र रविन जोशी हरेका छन् । 

त्यस्तै प्रशिक्षकमा मन्जुर आलम खान तथा व्यवस्थापकमा सुमन राज कार्की रहेका छन् । भुपेन्द्र थापा, रेवाती यादव, सुभ कंसाकर र दिपक बोहोरालाई रिजर्ब खेलाडीको रुपमा राखेको छ । 

समुह ‘ए’ मा रहेको प्रदेश ३ ले पहिलो खेल जेठ ११ गते टियू मैदानमा एपीएफसँग खेल्ने छ । दोस्रो खेल टियुमै जेठ १२ गतेगण्डकी प्रदेश, जेठ १८ गते मुलपानी मैदानमा सुदूरपश्चिम प्रदेश र जेठ २० गते प्रदेश ५ सँग टियूमा खेल्ने छ । समूहको शीर्ष दुई टोलीले सेमिफाइनलमा स्थान बनाउने छ ।