जापान र कतारले कोपा अमेरिका खेल्ने

एजेन्सी- एसियाली राष्ट्र जापान र कतारले ब्राजितमा हुने कोपा अमेरिका खेल्ने भएका छन् । जुन १४ तारीख देखी सुरु हुने उक्त ४६ औं संस्करणको प्रतियोगिताका लागि दक्षिण अमेरिकाका १० राष्ट्र र दुई एसियाली राष्ट्र सहित १२ राष्ट्रले सहभागीता जनाउने छन् ।

यसअघि अमेरिकामा भएको अघिल्लो संस्करणमा १० दक्षिण अमेरिकी राष्ट्र र ६ आमन्त्रित राष्ट्र गरी १६ टोलीले प्रतिस्रपर्धा गरेको थियो । तर, गत संस्करण देखी पुनः सन् १९९३ मा लागु गरिएको १२ टोलीको संरचनालाई दोहर्याउने निर्णय गरेपछी यस वर्ष एसियाली दुई राष्ट्रलाई मात्र आमन्त्रित गरेको हो ।

सन् २०२२ को विश्वकपको आयोजक समेत रहेको कतारले यस प्रतियोगितालाई आफ्नो विश्वकप तयारीका रुपमा लिएको छ । यस प्रतियोगितामा कतारले समूह ‘बी’ मा रहेर अर्जेन्टिना, कोलोम्बिया र पाराग्वेको सामना गर्नेछ ।

यता जापानले भने उरुग्वे, चिली र इक्वेडरसँग खेल्नेछ । यसअघि जापानले भने सन् १९९९ मा पाराग्वेमा भएको कोपा अमेरिकामा आमन्त्रित टोलीका रुपमा प्रतिस्पर्धा गरि सकेको छ ।