रियलका तीन खेलाडीका लागि पिएसजीको ठुलो प्रस्ताव

एजेन्सी- फ्रान्सेली लिग वान च्याम्पियन क्लब पेरिस सेन्ट जर्मन (पिएसजी) रियल मड्रिडका तीन खेलाडीका लागि ठुलो रकमको प्रस्तव गरेको बताइएको छ । फ्रान्सेली पत्रिका ‘ले पेरिसियन’का अनुसार पिएसजी वेल्स स्ट्राइकर ग्यारेथ बेल, टोनी क्रुस र इस्कोलाई अनुबन्ध गर्न ठुलो रकमको प्रस्ताव गरेका बताइएको हो ।

‘ले पेरिसियन’का अनुसार पिएसजीले रियलका तीन खेलाडीका लागि १८० मिलियन पाउण्डको प्रस्तव गरेको जनाएको छ । रियलका प्रशिक्षक जिनेदिन जिदानले बेल आउदो सिजनमा आफ्नो योजनामा नरहेको बताएका थिए ।

 त्यस्तै क्रुस टोलीमा पर्न संघर्षरत छन् भने इस्को लय बाहिर छन् । रियल यस सिजनको अन्त्यमा चेल्सी स्ट्राइकर इडेन हाजार्ड र म्यानचेस्टर युनाइटेडका पउल पोग्वालाई आफ्नो पहिलो रोजाईमा राखेको छ । 

रिपोर्टका अनुसार पिएसजीले क्रुसलाई विशेष रोजाइमा राखेको जनाएको छ ।  तर, बेल र इस्कोका लागि जुलियन र एडिसन काभानीले प्रस्थान गर्नु पर्ने छ । तर, बेलले बार्यन म्युनिख जान चाहेको जनाएको छ ।