पलिस्था सम्मानित

काठमाडौं- थाइल्यान्डको बैंककमा आयोजना भएको १६औं विश्व मुवाँथाईकी स्वर्ण विजेता पतिस्था कक्षपति शनिबार सम्मानित भएकी छन् । उनलाई प्लाटिनम फिटनेस सेन्टरले नगद २५ हजारसहित सम्मान गरेको हो । 

पलिस्थाले विश्व मुवाँथाई च्याम्पियनसिपमा ३० केजी तौल समूहमा स्वर्ण जितेकी थिइन् । त्यस्तै उनले हालै काठमाडौंमा सम्पन्न इन्डो नेपाल मुवाँथाई च्याम्पियनसिपमा पनि स्वर्ण पदक जितेकी थिइन् । 

पलिस्थालाई प्लाटिनमका सञ्चालक तथा शारीरिक सुगठनका अन्तर्राष्ट्रिय पदक विजेता सचित प्रधान, राष्ट्रिय फुटबल खेलाडी अनिल गुरुङ, सचिन प्रधान र सुमित्रा गुरुङले सम्मान गरेका थिए ।