विश्वकपमा विकेटकीपरको भुमिका कस्तो?

एजेन्सी- आईसीसी एकदिवसीय विश्वकप क्रिकेट आउन करिब दुई साता बाँकी छ । त्यसैले पनि बसै टोलीको तयारीलाई जिवित राख्न निकैनै दोडधुपमा छन् । कुनै पनि टिमलाई च्याम्पियन बनाउन ब्याट्सम्यान र बलरको महत्वपूर्ण भुमिका रहने गर्दै छ । 

त्यस्तै ब्याट्सम्यान र बलरको बाहेक विकेटकीपरको पनि भुमिका उत्तीकै महत्वपूर्ण रहेको हुन्छ । जसले विकेट पछि रहँदै ब्याट्सम्यानलाई दबाबमा राख्दै आफ्नो उत्कउष्ट भूमिका निभाई रहेका हुन्छन् । यस रिपोर्टमा हामी चर्चा गर्दै छौ की जसले पछिल्लो पाँच वर्ष विकेटकीङ्गि गर्दै ब्याट्सम्यानलाई सर्वाधिक सिकार बनाए । 

कुमार संगकारा (श्रीलंका)

श्रीलंकाका पूर्ण विकेटकीपर ब्याट्सम्यान कुमार संगकाराले एकदिवसीय विश्वकपमा हाल सम्म ३७ खेल खेलेका छन् । उनले विकेृटकीपिङ्ग गर्दै विश्वकपमा सर्वाधक ५४ ब्याट्सम्यानलाई पेभिलियन फर्काएका छन् । उनले ५४ ब्याट्सम्यान आउट गर्ने क्रममा कुमारले ४१ क्याच र १३ स्टम्पिङ गरेका थिए । 

कुमारले आफ्नो क्रिकेट करीयरमा चार विश्वकपमा समभागीता जनाएका छन् । उनले आफ्नो पहिलो विश्वकप २००३ मा खेलेका थिए भने २०१५ उनको अन्तिम विश्वकप हो । उनकै मद्दतमा श्रीलंकाको टिम २०११ मा विश्वकपको फाइनल पुग्न सफल भएको थियो । 

बाँया हाते पूर्व श्रीलंकेली ब्याट्सम्यान कुमारले एक खेलमा सर्वाधिक चार खेलाडी आउट गरेका थिए । जसमा तीन क्याच र एक स्टम्पिङ रहेको छ । उनी विश्वकपमा सर्वाधिक रन बनाउने खेलाडीको सुचिमा समेत पर्दछन् । 

एडम गिलक्रिस्ट (अष्ट्रेलिया)

अष्ट्रेलियाका महान विकेटकीपर ब्याट्सम्यान एडम गिलक्रिस्ट किपिङ्को आधारमा खेलाडी सिकार बनाउने खेलडीको दोस्रो स्थानमा छन् । उनले विश्वकपका ३१ खेलमा ५२ ब्याट्सम्यानलाई पेभिलियन फर्काएका छन् । 

जसमा ४५ क्याच र ७ स्टम्पिङ्ग रहेका छन् । गिलक्रिस्टले १९९९ देखी २००७ को बीचमा तीन विश्वकप खेलका छन् । उनी उक्त समय तीन पटक अष्ट्रेलिया च्याम्पियन बन्दा गिलक्रिस्ट मुख्य खेलाडीको रुपमा रहेका थिए । एक खेलमा गिलक्रिस्टको सर्वाधिक प्रदर्शन ६ क्याच रहेको छ । 

महेन्द्रसिंह धोनी (भारत)

विश्वकपमा जुन पाँच विकेटकीपरले विकेट पछाडी रहँदै सर्वाधिक विकेट लिएको त्योसको तेस्रो स्थानमा भारतका पूर्व कप्तान समेत रहेका महेन्द्रसिंह धोनी रहेका छन् । धोनीले कुमार र गिलक्रिस्टलाई यस रेकर्डमा उछिन्न लामो समय कुर्नु पर्ने देखीन्छ । किनकी धोनीले हाल सम्म विश्वकपमा २० खेल मात्र खेलेका छन् र ३२ ब्याट्सम्यानलाई आफ्नो किपिङको सिकार बनाएका छन् । 

धोनली ३२ ब्याट्सम्यानलाई आफ्नो सिकार बनाउँदा २७ क्याच र ५ स्टम्पिङ गरेकाछन् । धोनीले २००७ देखी हाल सम्म तीन विश्वकप खेलेका छन् । क्याप्टेन कुलको नामबाट चिनिने धोनीको यो अन्तिम विश्वकप हुन सक्ने अनुमान गरिएको छ । 

ब्रेन्डन म्याकलम (न्युजल्यान्ड)

न्युजल्यान्डका पूर्व विकेटकीपर ब्रेन्डन म्याकलमले पनि धोनी बराबर ३२ ब्याट्सम्यानलाई पेभिलिएन फर्काएका छन् । तर, मयाकलमले ३४ खेल खेलेका छन् । उनले ३४ खेलमा ३० क्याच र २ स्टम्पिङ गर्दै ३२ खेलाडीलाई पेभिलिएन फर्काएका थिए । म्याकलमको २०१५ पछिल्लो विश्वकप थियो । उनले जम्मा तीन विश्वकप खेले । उनले आफ्नो पहिलो विश्वकप २००३ मा खेलेका थिए । 

मार्क बाउचर (दक्षिण अफ्रीका)

दक्षिण अफ्रीकाका महान विकेटकीपर ब्याट्सम्यान मार्क बाउचर विश्वकपमा सर्वाधिक विकेट लिने विकेटकीपरको पाँचौ स्थानमा छन् । उनले २५ खेलमा ३१ खेलाडीलाई पेभिलियन फर्काएका थिए । 

उनले ३१ खेलाडीलाई आफ्नो सिकार बनाउँदा सबै क्याच आउट गरेका थिए । तीन विश्वकप खेलेका बाउचरले पहिलो पटक १९९९ मा विश्वकपमा सहभागिता जनाएका थिए भने २००७ को विश्वकपलाई आफ्नो अन्तिम विश्वकपको रुपमा सहभागिता जनाएका थिए ।