प्रदेश सभाबाट विश्वासको मत लिँदै लुम्बिनीका मुख्यमन्त्री केसी, एमाले सांसद सहभागी नहुने

बुटवल– लुम्बिनी प्रदेशका नवनियुक्त मुख्यमन्त्री कुलप्रसाद केसीले आज सोमबार प्रदेश सभामा विश्वासको मत लिने भएका छन्। सदनमा विपक्षी नेकपा एमालेको अवरोधका बीच केसीले विश्वासको मत लिन लागेका हुन्।

लुम्बिनी प्रदेशसभाको आज दोस्रो पटक बैठक बसिरहेको छ। दिउँसो १ बजे बसेको बैठकमा एमाले सांसदको अवरोधका कारण स्थगित भएको थियो। सांसदहरुले करिब आधा घण्टासम्म नाराबाजी गरेपछि सभामुखले बैठक स्थगित गरेका थिए। 

प्रदेशसभामा सूूर्य चुनाव चिन्हबाट निर्वाचित नवलपरासीका अजय शाही र दाङबाट उपचुनाव लडेकी विमला कुुमारी वलीलाई पदमुक्त गर्न माग गर्दै एमालेले सदनमा अवरोध गरेको हो।

आजको दोस्रो बैठकमा भने एमालेका सांसदहरु उपस्थित नहुने भएका छन्। विपक्षी सांसदबिनै मुख्यमन्त्री केसीले विश्वासको मत लिन लागेका हुन्। माओवादीका केसी नेपाली कांग्रेसको समर्थनमा मुख्यमन्त्री भएका हुन्।