विश्वकपमा तहल्का मच्चाउन सक्ने पाँच तिब्र गतिका बलर

एजेन्सी- तिब्र गतिका बलरले पिछल्लो समय  रिवर्स स्विङ्गका कारण धेरै जसो विकेट लिन सकेका छैनन् । जस्तो की १९९० र २००० को सुरुवातमा भइरहेको थियो । यसै कारणले पछिल्लो केही वर्ष यता एकदिवसीय क्रिकेट प्रतियोगितामा ३ सय वा त्यस भन्दा पनि बढी स्कोर भइरहेकको आँकडा छ । 

इंग्ल्यान्डमा हुन लागेको यस विश्वकपमा त्यहाको सुख्खा पिच र गर्मी मौसमका कारण तिब्र गतिका बलरका लागि झनै तुनौतीपूर्ण हुने अनुमान गरिएको छ । तर, केही यस्ता पनि तिब्र गतिका बलर छन् जसले यस विश्वकपमा ब्याट्सम्यानलाई खतरामा पार्न सक्छन् । को हन् त ती पाँचा तिब्र गतिका बलर ।

जसप्रित बुमराह (भारत)

वर्तमान समयमा धेरै जसो क्रिकेट विश्लेषकको नजरमा विश्वका सर्वश्रेष्ठ तिब्र गतिका बलर बुमराह भारतलाई तेस्रो पकट विश्वकपको उपािध जिताउन महत्वपूर्ण भुमिका निभाउन सक्दछन् । एकदिवसीय क्रिकेटमा विश्वको शीर्ष स्थानमा रहेका बुमराह डेथ ओभरका लागि विशेष मानिने गर्दछन् । 

उनको अनअर्थोडोक्स एक्सन र गति तथा वाउन्सले ब्याट्सम्यानलाई दबाबमा ल्याउन सक्छ । बुमराह भर्खरै सम्पन्न आइपिएलमा पनि उच्च लयमा थिए । उनले आइपिएलमा १६ खेल खेल्दै १९ विकेट लिएका छन् । 

कागिसो रबाडा (दक्षिण अफ्रीका)

सन् २०१५ मा अन्तर्राष्ट्रिय क्रिमेटमा पर्दापर्ण भएसँगै कागिस रबाडाले आफ्नो गती, वाउन्स र स्विङ्गले टिमलाई कैयौ अवसरमा विकेट दिलाएका छन् । उनले आइपिएलको यस सिजनमा दिल्ली क्यापिटल्सबाट खेल्दै मात्र १२ खेलमा २५ विकेट लिए । 

उनी हाल चोटबाट मुक्त हुँदैछन् । यदी दक्षिण अफ्रीकालाई आफूमाथी लागेको आरोपलाई हटाउने हो भने रबाडासँग सँगै डेल स्टोन र क्रिस मोरिसको पनि महत्वपूर्ण भूमिका आवस्यक रहेको छ । 

मिचेल स्टार्क (अष्ट्रेलिया)

बाँया हाते तिब्र गतिका बलर मिचेल स्टार्क अष्ट्रेलियाका लागि उपाधि बचाइराख्न महत्वपूर्ण भूमिका खेल्न सक्छन् । उनले पछिल्लो विश्वकपमा २२ विकेट लिँदै प्लियर अफ दि टुर्नामेन्ट भएका थिए । तर, उनी विश्वकप पछि आफ्नो प्रदर्शनलाई लयमा राख्न विफल भएका छन् । पछिल्लो चार वर्षमा उनी कैयौं पटक चोट ग्रस्त भएका छन् । 

ट्रेन्ट बोल्ट (न्युजल्यान्ड)

न्युजल्यान्ड टिमका प्रमुख तिब्र गतिका बलर ट्रेन्ट बोल्टले पछिल्लो विश्वकपमा पनि शानदार प्रदर्शन गरेका थिए । उनी पछिल्लो विश्वकपमा स्टार्कसँगै सर्वाधिक विकेट लिने खेलाडीको स्थानमा थिए । बोल्ट दुनियाको कुनै पनि पिचमा आफ्नो बल दुबैतर्फ घुमाउन सक्ने क्षमता राख्द छन् । तर, हाल उनको प्रदर्शन घट्दो क्रममा रहेको पाइएको छ । 

हसन अली (पाकिस्तान) 

सन् २०१७ सातको आईसीसी च्याम्पियन ट्रफीमा १३ विकेट लिँदै हसन अलीले पाकिप्तानलाई च्याम्पियन बनाउन ठुलो योगदान दिएका थिए । त्यसैले अलीलाई टोलीको आवस्यकता अनुसार बलिङ गर्न सक्ने र आफ्ना कप्तान सरफराज अहमदलाई विकेट दिलाउन सक्ने क्षमता भएको खेलाडीको रुपमा लिइएको छ । उनलेहाल सम्म मात्र ४४ खेलमा ७७ विकेट लिएका छन् । र प्रशिक्षक मिकी आर्थर तथा सरफराजलाई विश्वास छ की अलीले च्याम्पियन ट्रफीको प्रदर्शन विश्वकपमा पनि दोहर्याउने छन् ।