कान्तिपुर हाफ म्याराथन जेठ ११ गते

काठमाडौं- कान्तिपुर पब्लिकेशनद्वारा आयोजना गरिएको ‘कान्तिपुर हाफ म्याराथन’ जेठ ११ गते हुने भएको छ । आयोजक कमिटिले एक पत्रकार सुम्मेलनको आयेजना गर्दै नवौं संस्करणको हाप म्यारथन जेठ ११ गते हुने जानकारी दिएको हो । 

प्रतियोगितामा खेलाडीहरुले हाफ म्याराथन, कर्पोरेट ५ किलोमिटर दौड र ह्विलचियर गरी तीन विधामा प्रतिस्पर्धा गर्ने छन् । हाफ म्याराथन अन्तर्गत पुरुष र महिलातर्फका विजेता खेलाडीले ५० हजार नगद सहित हिरो डुएट स्कुटर प्राप्त गर्ने छन् । 

त्यस्तै उपविजेताले ३० हजार, तेस्रो हुनेले २० हजार चौंथो हुनेले १० हजार, पाँचौ हुनेले ५ हजार र छैठौं हुनेले ३ हजार नगद प्राप्त गर्ने छन् । हाफ म्याराथन थापाथलीस्थित कान्तिपुरको केन्द्रिय कार्यालयबाट सुरु भई थापाथली, माइतिघर मण्डला, बानेश्वर, तीनकुने, कोटेश्वर, जडिबुटी, लोकन्थली गठ्ठाघर, थिमी, सल्लाघारी चोकबाट फन्को लगाएर सोहिबाटो हुँदै केन्द्रिय कार्यालयमै आएर टुङ्गिने छ । 

गत वर्ष हाफ म्याराथनको उपाधि हरिकुमार रिमाल र कान्छीमाया कोजुले जितका थिए । यसअघि सम्पन् भएका आठ संस्करण मध्यमा कान्छीमायाले ५ पटक हाफ मयाराथनलेको उपािध जितेकी छिन् भने चार पटक हरिकुमारले जितेका छन् । 

कर्पोरेटतर्फका महिला र पुरुष विजेताले बैंककमा ३ रात र ४ दिनको घुम्ने प्याकेज पाउने छन् । त्यस्तै दोस्रो हुनेले २ रात र ३ दिन प्याकृज प्राप्त गर्ने छन् । तेस्रो हुनेले माउन्टेन फ्लाइटको टिकेट प्राप्त गर्ने छन् । 

त्यस्तै ह्विलचियरतर्फको महिला र पुरुष विजेता खेलाडीले २० हजार नगद प्राप्त गर्ने छन् । दोस्रो हुनेले १० हजार र तेस्रो हुनेले ५ हजार प्राप्त गर्ने छन् ।