डिबाला युभेन्ट्सबाट बिहिरिदै

एजेन्सी- अर्जेन्टिनी स्ट्राइकर पाउलो डिबालालाई यस सिजनको अन्त्यमा इटालीयन सिरी ए क्लब युभेन्ट्स छोड्न उनका भाई गुस्ताभोले सुझाव दिएका छन् । ‘डिबाला ठुलो परिवर्तन चाहन्छन् । उनी युभेन्ट्समा सन्तुस्ट छन् । तर, उनी अन्य खेलाडी जस्तै इटलीमा धेरै बस्न चाहदैनन्,’ गुस्ताभोले भने, ‘उनी एक्लो खेलाडी भने हैनन् । जसले युभेन्ट्स छोड्दै छन् ।’

स्ट्राइकार डिबालालाई एट्लेटिको मड्रिड जान सक्ने बताइएको छ । उनलाई एट्लेटिकोमा एन्टोनी ग्रिजमनको परिवर्तनको रुपमा हेरिएको छ । ग्रिजमनले यसअघीनै सिजनको अन्त्यमा क्लब छोड्ने घोषणा गरिसकेका छन् । 

डिबालालाई अन्य युरोपियन क्लबले पनि अनुबन्ध गर्न चाहेको खुलासा भएको छ । उनलाई एट्लेटिकोसँग बार्यन म्युनिख, म्यानचेस्टर युनाइटेड र पिएसजीले पनि चहेको खुलासा भएको हो । डिबालाको युभेन्ट्सका प्रशिक्षक मासिमिलियानो एलेग्रीसँग राम्रो सम्बन्ध नरहेको समेत बताइएको छ । 

प्रशिक्षक एलेग्रीका कारण रोनाल्डोको आगमनसँगै यस सिजन उनको खेल समयमा प्रभावित भएको जनाएको छ । यस सिजन उनले युभेन्ट्समा रोनाल्डोको सहायकको भुमिका निभाएका छन् । उनले यस सिजन सिरी ए का मात्र २८ खेल खेल्दै ५ गोल गरेका छन् । गत सिजन उनले ३३ खेलमा २२ गोल गरेका थिए ।