एलिसनको डेब्यु चर्चा

एजेन्सी- यसै सिजनको सुरुवातमा रोमाबाट इंग्लिस प्रिमियर लिग क्लब लिरभपुलमा अनुबन्ध भएसँगै चर्चामा रहेका गोलरक्षक एलिसन पुनः चर्चामा छन् । यतिबेला एलिसन लिभरपुलमा आफ्नो डेब्यु प्रदर्शनका कारण चर्चामा रहेका हुन् । 

यसअघि उनी लिभरपुलमा अनुबन्धित हुँदै विश्वकै सबैभन्दा महंगो गोलरक्षक बनेका थिए । उनी रोमाबाट विश्व कीर्तिमानी मूल्य ७२ मिलियन युरोमा लिभरपुलमा अनुबन्धित भएका थिए । एलिसनले लिभरपुलका लागि जारी सिजनमा एक आश्चर्यजनक प्रदर्शन गरेको भन्दै विश्व फुटबलमा चर्चा चलेको हो । 

उनले लिभरपुललाई च्याम्पियन्स लिगको फाइनलमा पुग्न महत्वपूर्ण भूमिका खेले । जहाँ उनी च्याम्पियनस लिगको फाइनलमा पनि उत्कृष्ट प्रदर्शन गर्नेमा विश्वस्त गरेको क्लबले जनाएको छ । २६ वर्षीय ब्राजिलियन गोलरक्षक एलिसनले लिभरपुलका लागि प्रिमियर लिगका ३८ खेल खेले । 

सबै खाले ५० खेल खेल्दा उनले २६ उत्कृष्ट बचाउ समेत गरे । प्रिमियर लिगमा उत्कृष्ट २१ गोल बचाएका एलिसनले प्रिमियर लिग गोल्डेन ग्लोव अवार्ड जितेका थिए । उनले प्रिमियर लिगमा सतप्रतिशत पेनाल्टी बचाएका थिए । 

एलिसनको लिभरपुलका समर्थकलेसमेत छोटो समयमा प्रसंशा गरेका छन् । समर्थकले उनको प्रदर्शनलाई लिएर सामाजिक संजालमासमेत प्रसंशा गरिरहेका छन् ।