‘...त्यसैले त रोनाल्डो रियल हिरो’

एजेन्सी- पोर्चुगिज सुपरस्टार खेलाडी क्रिस्टियानो रोनाल्डो थुप्रैको मनमा राज गर्न सफल व्यक्ति हुन् । जसरी रोनाल्डो गोलका लागि हिरो कहलिएका छन्, त्यसरी नै समान सेवाका क्षेत्रमा पनि हिरो सावित भएका छन् । रोनाल्डो मैदानमा क्लब जितउन विपक्षी टोलीको गोल पोस्टमा गोलको वर्षा मात्रै गर्दैनन्, उनी समाज र पिडित व्यक्तिको घाउमा मलमपट्टी लगाउन पनि त्यती नै सिपालु छन् । 

भर्खरै मात्र युभेन्ट्सका सुपरस्टार खेलाडी रोनाल्डोले १० वर्षीय बालकको उपचार खर्च दिँदै महान कार्य गरे । ब्रिस्टलमा रहँदै आएका १० वर्षीय जोसेफ नामक बालकले २०१३ देखी आफ्नो उपचार गर्दै आइरहका थिए । लामो समयदेखी उपचार गर्दै आएका जोसेफ आर्थिक अवस्थाले निकै ग्रसित बनेका थिए । उपचार गर्दा-गर्दा थाकेका जोसेफ जीवनदेखी आजित बनिसकेका थिए । 

आर्थिक अभावकै कारण उपचार गर्न नसक्ने अवस्थानमा पुगेका उनी जीवनसँग हारिसकेका थिए । उक्त कुरा रोनाल्डोले थाहा पाएपछि जोसेफको उपचारमा सहयोग गरे । रोनाल्डोको सहयोगबाट उपचार सम्भव भएपछि जोसेफ स्वस्थ भए र रोनाल्डोप्रति कृतज्ञ छन् । 

जोसेफको स्वास्थेमा सुधार भैसकेपछि रोनाल्डोले उनी र उनको परिवारलाई इटालीमा बालाएरै भेट गरे । रोनाल्डोले रोमासँगको खेलका लागि प्रशिक्षणमा रहेकाले जोसेफ र उनको परिवारलाई प्रशिक्षण स्थलमै बोलाएर भेटेका हुन् । जसले जोसेफलाई झनै खुशी तुल्यायो भने जीवनप्रति थप आसाबादी बनायो । 

रोनाल्डोसँगको भेटपछि जोसेफले ट्विट गर्दै रोनाल्डोलाई धन्याबाद दिएका छन् । ‘मेरो सोच जिवित राख्न र उपचारका लागि रोनाल्डोलाई धन्याबाद,’ उनले लेखेका छन्, ‘रोनाल्डोसँग भेट गराउन सहयोग गर्ने सबैलाई धन्याबाद ।’ उनले अर्को ट्विटमा रोनाल्डो एक वास्तविक च्याम्पियन भएको उल्लेख गरेका छन् ।