एथ्लेटिक्समा आर्मीलाई सर्वाधिक २१ स्वर्ण

दाङ- आठौं राष्ट्रिय खेलकुद अन्तर्गत सोमबार सम्पन्न भएको एथ्लेटिक्समा नेपाल आर्मीले सर्वाधिक २१ स्वर्ण जितेको छ । महिला र पुरुषका गरी कुल ३६ स्वर्णका लागि भएको प्रतिस्पर्धामा आर्मी एक्लैले २१ स्वर्ण जितेको हो । 

यससँगै आर्मी एथ्लेटिक्समा टिम च्याम्पियन बनेको छ । आर्मीले सर्वाधिक २१ स्वर्ण, १२ रजत र ८ कास्य पदक जितेको हो । त्यस्तै एफिएफले ८ स्वर्ण, ६ रजत र ९ कास्य पदक जित्दै टिम दोस्रो बन्यो । नेपाल पुलिसले ३ स्वर्ण ५ रजत र ४ कास्य पदक जित्यो । 

५ नं प्रदेशले १ स्वर्ण, ८ रजत र ६ कास्य पदक हात पर्यो । १८ महिला र १८ पुरुष गरी ३६ विधाका १ सय ८ पदकका लागि खेलाडीले प्रतस्पर्धा गरेका थिए । प्रतियोगितामा सात प्रदेश, विभागिय टिम नेपाल आर्मी, नेपाल पुलिस र एपीएफ तथा एन.आर.एन.को सहभागिता रहेको थियो । 

नेपाल आर्मीका कृष्ण बस्नेत र नेपाल प्रहरीकी राजपुरा पछाई आठौं राष्ट्रिय खेलकुद अन्तर्गत फुल म्याराथन प्रतियोगिताको च्याम्पिएन बनेका छन् ।  ४२ दशमलव १९५ किलोमिटर म्याथन दौड २ घण्टा १७ मिनेट ३३ सेकेन्डमा पूरा गरी स्वर्ण जितेका बस्नेतले आफ्नो २ घण्टा २० मिनेटको पुरानो रेर्कडमा सुधार गर्दै च्याम्पिएन बनेका हुन् ।

यस्तै प्रदेश नं ६ का दुर्गा बहादुर बुढाले २ घण्टा १८ मिनेट ३९ सकेन्डमा रजत जित्दा  एपीएफका कृष्णसिंह बोगटीले २ घण्टा २२ मिनेट १० सेकेण्ड कास्य पदक हात पारे । त्यस्तै महिला फुल म्याराथनमा नेपाल प्रहरीकी राजपुरा पछाईले दुई घण्टा ५९ मिनेट ३८ सेकेण्डको रेर्कड बनाउदै पूरा गर्दै स्वर्ण जितिन् । 

त्यस्तै ३ घण्टा ५९ सेकेन्डमा दुरि पार गर्दै एपिफ कि पुस्पा भण्डारीले रजत जित्दा नेपाली सेनाकी सरिता बासिले ३ घण्टा ८ मिनेट ३ सेकेन्डमा कास्य पदक जितिन् ।  म्याराथनमा पुरुष तर्फ १५ र महिला तर्फ ६ जना खेलाडी गरी २१ जनाले भाग लिएका थिए ।