नेपालले पहिलो पटक इन्डोनेसियासँग भिड्दै

काठमाडौं- नेपाली राष्ट्रिय महिला फुटबल टोलीले दोस्रो चरणको ओलम्पिक छनोटको अन्तिम खेलमा नयाँ प्रतिद्वन्दी इन्डोनेसियाको सामना गर्दै छ । म्यानमारमा जारी ओलम्पिक छनोटमा पहिलो खेल र दोस्रो खेल गुमाएका यि दुवै टोलीको अर्को चरणमा पुग्ने सम्भावना सकिसकेको छ। 

खेल मंगलबार दिउँसो २ बजेर ४५ मिनेटमा सुरु हुनेछ।एक-आपासमा पहिलो पटक भिड्न लागेका यि दुवै टोली प्रतियोगितामा पहिलो जितको खोजीमा हुनेछन्। नेपालले भारत र म्यानमार दुवै टोलीसँग समान ३-१ ले हार बेहोरेको थियो भने इन्डोनेसियाले भारतसँग २-० र म्यानमारसँग ६-० को ठुलो अन्तरले पराजित भएको थियो।  

इन्डोनेसियाले प्रतियोगितामा कुनै गोल गर्न सकेको छैन।नेपाल पहिलो चरणको छनोटमा भारत, म्यानमार र बंगलादेश सम्मिलित समूहबाट छनोटको उत्कृष्ट तेस्रो हुँदै दोस्रो चरणको लागि छनोट भएको थियो। त्यस्तै इन्डोनेसिया जोर्डन , प्यालेस्टाईन र माल्दिभ्स सम्मिलित समूहमा उपविजेता हुँदै दोस्रो चरणको यात्रा तय गरेको थियो।