विप्लवको नेपाल बन्द फिर्ता, अन्य कार्यक्रम यथावत

काठमाडौँ- सरकारले आफूविरुद्ध लगाएको प्रतिबन्धको विरोध गर्दै नेत्रविक्रम चन्द विप्लव समुहले गरेको नेपाल बन्द फिर्ता लिएको छ ।

चैत १६ गते नेपाल बन्दको आह्वान गरेको विप्लव समुहले एसईई दिइरहेका विद्यार्थीलाई मर्का पर्ने भन्दै बन्द फिर्ता लिएको हो । नेपाल बार, राष्ट्रिय मानवअधिकार आयोग र परीक्षा नियन्त्रण कार्यालयको विज्ञप्ति र अनुरोधलाई सम्मान गर्दै बन्द फिर्ता लिने निर्णय गरेको विप्लव समुहले जनाएको छ । 

विप्लव नेत्तृत्वको पार्टीलाई सरकारले प्रतिबन्ध लगाएपछि विप्लवले १६ गते नेपाल बन्दको घोषणा गरेको थियो । बन्द फिर्ता लिएपनि आन्दोलनका अन्य कार्यक्रम भने यथावत रहेको विप्लव समुहले जनाएको छ । 

विप्लवले चैतभित्र आफ्नो समुहमाथिको प्रतिबन्ध हटाउन माग गरेको छ । आफ्ना सम्पुर्ण कार्यक्रतालाई छोडेर प्रतिबन्ध नहटाए सरकारका कार्यक्रममाथि प्रतिबन्ध लगाउने विप्लव समुहले चेतावनी दिएको  छ।