इरानद्वारा जोर्डनस्थित अमेरिकी सैन्य अड्डामा पुनः मिसाइल हमला

नेपाल समय | बुधबार, भदौ २४, २०८३

नेपाल समय

बुधबार, भदौ २४, २०८३

इरानद्वारा जोर्डनस्थित अमेरिकी सैन्य अड्डामा पुनः मिसाइल हमला

काठमाडौं- इरानले जोर्डनमा रहेका अमेरिकी सैन्य अड्डालाई लक्षित गर्दै पुनः मिसाइल हमला गरेको इरानी सञ्चारमाध्यमले जनाएका छन्।

इरानको रिभोलुसनरी गार्डले पूर्वी जोर्डनस्थित प्रिन्स हसन सैन्य अड्डालाई मिसाइलले निशाना बनाएको थियो। यसअघि जोर्डनले इरानबाट प्रहार गरिएका २० मध्ये १८ वटा मिसाइल आफ्नो हवाई प्रतिरक्षा प्रणालीले खसालेको जनाएको थियो ।

यसैबीच इरानले अमेरिकी युद्धपोत र अमेरिकी सम्बन्ध भएका तेल ट्यांकरलाई समेत निशाना बनाउने चेतावनी दिएको छ। अमेरिकी सेनाले आफ्ना युद्धपोतमाथि भएको हमलाको जवाफमा इरानका पाँच तेल ट्यांकरमा आक्रमण गरेको जनाएको छ।

इरान र अमेरिकाबीच पछिल्लो एक सातामा तनाव बढ्दै गएपछि विश्व बजारमा समेत असर परेको छ। एसियाली बजारमा कच्चा तेलको मूल्य बढेको बताइएको छ।

प्रकाशित: Sep 09, 2026| 10:55 बुधबार, भदौ २४, २०८३