प्रचण्डकी नातिनी र आईजीपी खनालका छोराको भ्यालेन्टाइन स्पेशल गीत

काठमाडौं – प्रणय दिवसको अवसर पारेर ‘यो मन उड्यो चरा बनी आकाशमा’ बोलको गीतको भिडियो सार्वजनिक  भएको छ । नेकपा अध्यक्ष प्रचण्डकी नातिनी स्मिता दाहाल र सशस्त्र प्रहरी महानिरीक्षक शैलेन्द्र खनाल ‘शरद’का छोरा शानिध्य खनालले गीतमा स्वर दिएका छन्। 

गीत सशस्त्र प्रहरी महानिरीक्षक खनाल आफैले लेखेका हुन् । गीतमा गैरे सुरेशले संगीत भरेका छन्। 

युवराज वाइबाको निर्देशनमा बनेको म्युजिक भिडियोमा श्री पाण्डे र जितेन श्रेष्ठको अभिनय छ । उत्सव दाहालको सिनेमटोग्राफी र बिकाश दाहालले सम्पादन गरेको भिडियोलाई ओएसआर डिजिटलको युट्युब च्यानलमा हेर्न सकिन्छ ।