फिस्लिङमा पहिरो खस्दा नारायणगढ-मुग्लिन सडक अवरुद्ध

नेपाल समय | सोमबार, साउन ४, २०८३

नेपाल समय

सोमबार, साउन ४, २०८३

फिस्लिङमा पहिरो खस्दा नारायणगढ-मुग्लिन सडक अवरुद्ध

चितवन- पृथ्वी राजमार्गअन्तर्गत इच्छाकामना गाउँपालिका–२ फिस्लिङको पानीधारा र चुमखोलामा पहिरो खस्दा सडकमा यातायात अवरुद्ध भएको छ। आज बिहान २:२० बजे पहिरो गएसँग सवारी आवागमन ठप्प भएको हो।

जिल्ला प्रहरी कार्यालय चितवनका प्रमुख प्रहरी उपरीक्षक रामेश्वर पौडेलले अहिले बिहान ९:०० बजेसम्म पहिरो पन्छ्याएर आवागमन सञ्चालन गर्ने गरी काम भइरहेको बताए। अत्यधिक वर्षाका कारण बाढी पहिरोको जोखिम रहेको भन्दै आइतबार राति बन्द गरिएको नारायणगढ–मुग्लिन सडकखण्ड र चितवनको पृथ्वी राजमार्ग क्षेत्र पहिरो पन्छाएपछि सञ्चालन हुनेछ।

स्थानीय प्रशासनले पहिरोको जोखिम हुनसक्ने भन्दै आइतबार राति १०:०० बजेदेखि सवारीसाधन आवागमनमा रोक लगाएको थियो। नारायणगण मुग्लिन सडक हुँदै पोखरातर्फ जाने गाडी भने सञ्चालनमा आएका छन्।

प्रकाशित: Jul 20, 2026| 07:44 सोमबार, साउन ४, २०८३