आइतबार, माघ २५, २०८२
तारामान गुरुङको नेतृत्वमा कांग्रेसले गठन गर्यो अनुशासन समिति
काठमाडौं । नेपाली कांग्रेसले केन्द्रीय सदस्य तारामान गुरुङको नेतृत्वमा तीन सदस्यीय अनुशासन समिति गठन गरेको छ ।
आइतबार बिहान बसेको कार्यसम्पादन समितिको बैठकले अनुशासन समिति गठन गर्ने निर्णय गरेको प्रवक्ता देवराज चालिसेले जानकारी दिए। उनका अनुसार गुरुङ नेतृत्वको समितिमा थप दुई सदस्यमा केन्द्रीय सदस्यद्वय धना खतिवडा र सुवासकुमार पोखरेल सदस्य छन्।
बैठकले उपसभापति विश्वप्रकाश शर्माले प्रस्तुत गरेको ‘नेपाली कांग्रेस प्रतिनिधि सभा निर्वाचन परिचालन निर्देशिका –०८२’ र ‘नेपाली कांग्रेस सार्वजनिक कार्यक्रम व्यवस्थापन निर्देशिका-०८२’ लाई परिमार्जनसहित पारित गरेको प्रवक्ता चालिसेले बताए।
विशेष महाधिवेशनअघि शेरबहादुर देउवा नेतृत्वमा रहँदा आनन्द ढुंगाना संयोजक रहेको अनुशासन समिति थियो।
विधान अनुसार अनुशासन समिति ५ सदस्यीय हुने व्यवस्था छ।
प्रतिक्रिया दिनुहोस्
सम्पर्क
Shantinagar, Kathmandu, Nepal
फोन : +977-1-4790040/+977-1-4790242
इमेल : nepalsamayanews@gmail.com
फोन : +977-1-4790040/+977-1-4790242
इमेल : nepalsamayanews@gmail.com