अन्तर्राष्ट्रिय क्रिकेटमा पासरका ४ शतक

काठमाडौं- नेपाली क्रिकेट लाई मुथि उकास्न लामो तथा महत्वपूर्ण योगदान दिएका कप्तान पारस खड्कले यसै साताको सोमबार सम्पन्न युएईसँगको एकदिवसीय सिरिसमा शतकीय पारी खेले । उनबौ शतकको मद्दतले नेपालले २ सय ५५ रनको विशाल लक्ष्य सजिलै भेट्टाउन सफल भयो । 

उनले एकदिवसीय प्रतियोगितामा शतक प्रहार गर्दै नेपालबाट एकदिवसीयमा शतक प्रहार गर्ने पहिलो खेलाडीको कीर्तिमानी समेत बनाए । नेपाली राष्ट्रिय टिमको लागि खेल्दा पारसले हाल सम्म ४ शतक बनाएका छन् । हेरौ पारसले बनाएका ४ शतकहरु ।

युएईविरुद्ध, २०१९

युएईमा भएको नेपालका लागि दोस्रो एकदिवसीय तीन खेलको सिरिजमा नेपालका कप्तान पारस खड्काले शतक प्रहार गरे । जुन उनको क्रिकेट करियरमा चौथो अन्तर्राष्ट्रिय शतक पनि हो । उनले उक्त सिररिजको तेस्रो खेलमा शतक प्रहार गर्दै राष्ट्रिय कीर्तिमानी समेत राखे । 

ओपनर विनोद भण्डारी आउट भएपछि मैदान प्रवेश गरेका खड्काले शतकीय पारी पुरा गर्न ९६ बल खेले । ९६ बलमा १४ चौका र एक छक्का प्रहार गर्दै उनले शतक पुरा गरेका थिए । उक्त खेलमा ११५ रन बटुलेका खड्काले जम्मा १०९ बल खेलेर १५ चौका र एक छक्कका प्रहार गरेका थिए ।
 
युएईविरुद्ध, २०१८

नामिबियामाभएको विश्वक्रिकेट लिग डिभिजन-२ को फाइनल खेलमा नेपालले युएईको सामना गरेको थियो । उनले उ्रक्त खेलमा अविजित १ सय १२ रन बनाएका थिए । आफ्नो करियरको तेस्रो १ सय १२ रनको अविजित शतक बनाउने क्रममा उनले १०३ बल खेले । जहाँ ३ चौका र ८ छक्का प्रहार गरेका थिए । 

तर, उक्त खेलमा नेपाल पारसको शतकले पनि विजयी हुन सकेन् । २ सय ७७ रनको लक्ष्य पाएको नेपाल ७ रनले पराजित भएको थियो । अश्फाक अहमदको ११४ रन र रोहन मुस्ताफाको ५१ रनको मद्दतमा ५० ओभरमा ४ विकेट गुमाउँदै युएईले २७७ रनको विशाले योगफल सुम्पेको थियो । 

जवाफमा पारसको शतकबाहेक अन्य खेलाडीको उल्लेख्य प्रदर्शन रहन नसक्दा नेपाल ५० ओभरमा ८ विकेट गुमाएर २७० रन बनाउा सक्यो ।
 
नामिबियाविरुद्ध, २०१६

विश्वक्रिकेट लिग च्याम्पियनसिप अन्तर्गत घरेलु मैदान टियुमा भएको नामिबियाविरुद्धको दोश्रो खेलमा पारसले आफ्नो करियरकै दोश्रो शतक प्रहार गरेका थिए । उक्त खेलमा पारसले १०३ रन प्रहार गर्दा नेपाल ३ विकेटले विजयी भएको थियो । पारसले ९४ बलमा ५ चौका र ४ छक्का प्रहार गर्दै १०३ रन बनाएका थिए ।
 
उक्त खेलमा नामिबियाले दिएको २४० रनको विजयी लक्ष्य पछ्याउने क्रममा शरद भेसावकरले पनि अविजित ७४ रनको पारी खेलेका थिए । ३७ रनमा २ विकेट गुमेपछि मैदानमा आएका पारसले शरद भेसावकरसँग मिलेर तेस्रो विकेटको लागि १६७ रनको साझेदारी गरेका थिए । 

कुवेतविरुद्ध, सन् २०१२

कप्तान पारस खड्काले आफ्नो करियरको पहिलो शतक सन् २०१२ मा आयोजित एसीसी एलिट कपमा कुवेतविरुस्द्धको खेलमा बनाएका थिए । उक्त खेलम उनले १०६ रन बनाएका थिए । ७७ बल खेल्ने क्रममा ७ चौका र ४ छक्का प्रहार गर्दै उनले १०६ रन बनाएका थिए । उनको शतकका बाबजुत पनि नेपाल उक्त खेलमा ४ विकेटले पराजित भएको थियो । 

पारसले बनाएका ४ वटा शतकमध्ये युएईसँगको एकदिवसीय सिरिजमा प्रहार गरेको शतक सबै भन्दा ठुलो शतकहो ।