नेपालले गुमायो दोस्रो विकेटकोरुपमा ज्ञानेन्द्र मल्ल

काठमाडौं- युएईमा एकदिवसीय र टी-२० अन्तर्राष्ट्रिय सिरिज खेली रहेको नेपालले आफ्नो जारी दोस्रो एकदिवसीय खेलमा दोस्रो विकेट गुमाएको छ । टस जितेर पहिले ब्याटिङ गरेको नेपालले ओपनर द्धोय विनोद भण्डारी र ज्ञानेन्द्र मल्ललाई गुमाएको छ ।

नेपालले पहिलो विकेटको रुपमा विनोद र दोस्रो विकेटको रुपमा ज्ञानेन्द्रलाई गुमाएको हो । १५.३ ओभर ६१ रन पुग्दा पहिलो विकेट गुमाएको नेपालले लगत्तै १८‍‍.३ ओभर ७० रन पुग्दा दोस्रो विकेट गुमाएको हो ।

४४ रनमा खेलिरहेका ज्ञानेन्द्र जाहुर खानको बलमा क्याच आउट भए । उनले ६१ बल खेल्दै ४ चौकाको मद्दतमा ४४ रन जोडे । यसअघी २१ रनमा खेलिरहेका भण्डारी आमिर हायातको बलमा क्याच आउट भए ।

उनले ४६ बल खेल्दै २ चौकाको मद्दतमा २१ रन जोडेका हुन् । सिररिजको पहिलो खेल गुमाएको नेपालाई सिरिज जित्नका लागि यो खेल जित्नै पर्ने दबाब छ । नेपाल सिररिजको पहिलो खेलमा युएईसँग ३ विकेटले पाजित भएको छ । 

पहिलो एकदिवसीय सिरिज जित्ने लक्ष्यमा रहेको नेपाललाई युएईसँगको दोस्रो खेल नजिते सिरिज जित्ने सपना विफल हुने छ । यो खेलमा जित निकाले नेपालले सिरिज १-१ को बराबरी गर्नेछ । 

र, सिरिज जित्ने आशा जीवितै राख्ने छ ।नेपालले पहिलो विकेटको रुपमा विनोद भण्डारीलाई गुमाएको छ । विनोद ४५ बलमा २१ रन जोड्दै आउट भए ।