प्रधामन्त्री ओली स्वदेश फर्किदै, डाभोसमा के के गरे ? 

काठमाडौं- प्रधानमन्त्री केपी शर्मा ओली शनिबार स्वदेश फर्किदै छन् । स्वीट्जरल्याण्डमा भएको विश्व आर्थिक मञ्चको ४९ औँ बैठकमा सहभागी भएर उनी आज बिहान स्वदेश फर्किन लागेका हुन् ।
 
प्रधानमन्त्री ओली बिहान सवा १० बजे त्रिभुवन अन्तर्राष्ट्रिय विमानस्थलमा उत्रिने कार्यक्रम छ । कतार एयरबाट प्रधानमन्त्री स्वदेश फर्किन लागेको उनका प्रेस संयोजक चेतन अधिकारीले जानकारी दिए । 

२० सदस्यीय प्रतिनिधिमण्डलको नेतृत्व गर्दै प्रधानमन्त्री ओली गत आइतबार राति त्यसतर्फ प्रस्थान गरेका थिए । डाभोस शहरमा आयोजित विश्व आर्थिक मञ्चको पूर्णसत्र बैठकका साथै ‘दक्षिण एशियाको राजनीतिक परिदृश्य’ र ‘प्रजातन्त्रको भविष्य निर्धारण’ विषयका दुई बेग्लाबेग्लै छलफलमा सहभागी भएका थिए । 

प्रधानमन्त्री ओलीले बैठकमा नेपालमा हासिल भएको राजनीतिक स्थायित्व र आफू नेतृत्वको वर्तमान सरकारका सामाजिक, आर्थिक रुपान्तरणका प्राथमिकताबारे विश्व समुदायलाई जानकारी गराएका थिए ।