जन्ती चढेको बसमा करेन्ट लागेर ६ जनाको मृत्यु

जनकपुरधाम- धनुषाको सबैला नगरपालिका-४ स्थित कोठिया बल्टियामा जन्ती सवार बसमा करेन्ट प्रभाव हुँदा ६ जनाको घटनास्थलमै मृत्यु भएको छ।

ना ५ ख १७५२ नम्बरको बसमा सबार करिब डेढ दर्जन घाइते भएको बताइएको छ । घाइते मध्ये करिब आधा दर्जनको अवस्था गम्भिर रहेको इलाका प्रहरी कार्यालय सबैलाले जनाएको छ।

सिन्धुलीको दुधौलीबाट धनुषा सबैलाको बल्टियामा जन्ती आएको थियो। शुक्रबार बिहान आएको जन्ती वैवाहिक कार्यक्रम सम्पन्न भएपछि फर्किने क्रममा बसको छतमाथि राखिएको जस्ताको बाकसमा ११ हजार भोल्टको करेन्ट प्रभाव भइरहेको तारमा छोएपछि बसमासमेत करेन्ट प्रभाव भएको थियो।

बसमा करेन्ट प्रभाव भएको बेला करिब ४० जना मानिस बसमा सवार थिए । घटनामा घाइते भएकाहरुको जनकपुर अञ्चल अस्पतालमा उपचार हुँदै छ । घटनाको विस्तृत विवरण आउन बाँकी छ।