आजपनि वर्षाको सम्भावना, ठाउँ ठाउँमा हिमपात

काठमाडौँ- बिहीबार पनि मुलुकभरको मौसममा बदली हुनाका साथै पश्चिमी क्षेत्रका एक दुई स्थानमा हल्का वर्षाको सम्भावना देखिएको छ । बुधबार दिनभर जसो काठमाडौं उपत्यकासहित देशका विभिन्न ठाउँमा वर्षा भएको थियो । 

शुक्रबार पनि देशको विभिन्न भागमा बदली हुने र प्राय पश्चिमी क्षेत्रलगायत अधिकांश स्थानमा हल्का वर्षाको सम्भावना रहेको मौसम पूर्वानुमान महाशाखाले जनाएको छ । हिमाली भेगका केही स्थानमा हिमपातको सम्भावना पनि देखिन्छ ।

शनिबार पनि मौसममा बदलीका साथै हल्का वर्षाको सम्भावना रहेको र हिमाली भेगका केही स्थानमा हिमपात हुनसक्ने बताइएको छ । सुदुरपश्चिम र कर्णली प्रदेशका उच्च पहाडी र हिमाली क्षेत्रमा आज पनि हिमपात भइरहेको छ ।

काठमाडौं उपत्यका नजिका डाँडाँहरुमा पनि बुधरबार हिउँ परेको थियो । चन्द्रागिरी, फूल्चोकी, शिवपुरी लगायतका क्षेत्रमा हिमपात भएको थियो । 

मंगलबारबाट बदलिएको मौसमसँगै चिसो पनि बढेको छ । पानी परेसंगै कठ्याङ्ग्रिने गरी चिसो बढेको महशुस गरिएको छ ।