प्रिस्मा एडभरटाइजिंगले जित्यो 'द ब्रान्डलाउरेट बेस्टब्रान्ड्स अवार्ड २०२५'

काठमाडौं- प्रिस्मा एडभरटाइजिंगलाई 'ब्रान्ड इन्फ्लुएन्सर – क्रिएटिभ एन्ड ब्रान्डिङ सोलुसन्स' विधामा 'द ब्रान्डलाउरेट स्पेशल लिमिटेड एडिसन बेस्टब्रान्ड्स अवार्ड २०२५' प्रदान गरिएको छ। यसले रणनीतिक ब्रान्डिङ र सांस्कृतिक रूपमा सान्दर्भिक कथावाचनमा एजेन्सीको अग्रणी भूमिकालाई मान्यता दिएको छ।उक्त अवार्ड ३१ जुलाई २०२५ मा सिंगापुरको शाङ्ग्रिला होटलमा आयोजित एक विशेष समारोहमा प्रदान गरिएको थियो। प्रिस्मा एडभरटाइजिंगका संस्थापक तथा सीईओ रञ्जित आचार्य र महाप्रबन्धक शरद शाहीले एजेन्सीको तर्फबाट यो सम्मान ग्रहण गरे।

द वर्ल्ड ब्रान्ड्स फाउन्डेसनद्वारा आयोजित, द ब्रान्डलाउरेट अवार्ड्सले विश्वका सबैभन्दा प्रतिष्ठित, प्रभावशाली र प्रभावकारी ब्रान्डहरूलाई सम्मान गर्दछ। आफ्नो २०औँ वार्षिकोत्सव मनाउँदै, फाउन्डेसनको यो सीमित(संस्करण अवार्डले रचनात्मकता, रणनीति र दीर्घकालीन ब्रान्ड व्यवस्थापनमार्फत उद्योगहरूलाई नयाँ दिशा दिने विश्वव्यापी ब्रान्डिङ नेताहरूलाई उजागर गर्दछ।विभिन्न अन्तर्राष्ट्रिय उम्मेदवारहरूमध्येबाट प्रिस्मालाई यसको ब्रान्ड प्रभाव र नवीन रचनात्मक रणनीतिहरूको लागि चयन गरिएको हो। यो सम्मानले नेपालको रचनात्मक उद्योगका लागि एउटा महत्त्वपूर्ण कोशेढुङ्गाको रूपमा काम गरेको छ र प्रिस्मालाई विश्वव्यापी ब्रान्ड नवप्रवर्तकहरूको एक प्रतिष्ठित समूहमा समावेश गरेको छ।

'द ब्रान्डलाउरेट बेस्टब्रान्ड्स अवार्ड हाम्रो टिमको अथक रचनात्मकता र नेपाली ब्रान्डहरूलाई विश्वव्यापी रूपमा उकास्ने हाम्रो प्रतिबद्धताको प्रमाण हो,' रञ्जित आचार्यले भने, 'हामी विश्वास गर्छौ कि प्रामाणिकतामा आधारित साहसी विचारहरूले सीमा पार गर्न सक्छन्। यो सम्मानले हामीलाई के सम्भव छ भन्ने कुराको सीमालाई निरन्तर धकेल्न प्रोत्साहन दिन्छ।'प्रिस्मा एडभरटाइजिंग द ब्रान्डलाउरेट अवार्डबाट मान्यता प्राप्त गर्ने पहिलो नेपाली कम्पनी हो, जसले यसलाई देशका लागि एक गर्विलो र ऐतिहासिक क्षण बनाएको छ। यसअघि यो अवार्डले कोका(कोला, नेस्ले, युनिलिभर, सामसुङ इलेक्ट्रोनिक्स, टोयोटा, आईबीएम र जिम्मी चुजस्ता विश्वव्यापी कम्पनीहरूका साथै ओगिल्भी मलेसिया, डेन्सु सिंगापुर र लियो बर्नेट भियतनामजस्ता अग्रणी एजेन्सीहरू र क्रिस्टियानो रोनाल्डो, न्यास डेली, र निकोल आन डेभिडजस्ता प्रभावशाली व्यक्तित्वहरूलाई पनि सम्मान गरिसकेको छ।

'विश्वव्यापी ब्रान्डिङका सर्वश्रेष्ठ कम्पनीहरूसँगै उभिन पाउनु हाम्रा लागि र नेपालका लागि गर्वको क्षण थियो,' महाप्रबन्धक शरद शाहीले भने, 'यो सम्मानले नेपालदेखि विश्वसम्म साहसी, अर्थपूर्ण ब्रान्डहरू निर्माण गर्न हामीले ३५ वर्षदेखि गरेको समर्पणलाई उत्सव मनाउँछ।'यो सम्मानले दक्षिण एसियामा रचनात्मक नेतृत्वको रूपमा प्रिस्मा एडभरटाइजिंगको स्थानलाई थप बलियो बनाएको छ। एजेन्सीले उपभोक्ता वस्तुहरू, दूरसञ्चार, वित्त र प्रविधिलगायत विभिन्न क्षेत्रहरूमा वृद्धि, प्रतिभाको विकास र परिणामहरू प्रदान गर्ने ब्रान्ड कथाहरू निर्माण गर्दछ।

सन् १९९१ मा स्थापित, प्रिस्मा एडभरटाइजिंग काठमाडौँमा आधारित एक ३६०ड्ढ रचनात्मक एजेन्सी हो, जसले ब्रान्डिङ, डिजाइन, डिजिटल मार्केटिङ र सार्वजनिक सम्बन्धमा विशेषज्ञता हासिल गरेको छ।यसको पोर्टफोलियोमा कोका(कोला, नेस्ले, बजाज मोटरसाइकल, जोन्सन एन्ड जोन्सन, वेस्टर्न युनियन, एनसेल र केएल दुगड ग्रुपजस्ता ब्रान्डहरू समावेश छन्। प्रिस्माले मेरो मोबाइललाई एनसेलमा, राष्ट्रिय वाणिज्य बैंक र अन्नपूर्ण फाइनान्सको रूपान्तरणजस्ता नेपालका केही प्रतिष्ठित अभियान र रिब्रान्डिङ प्रयासहरूको नेतृत्व गरेको छ।