मेस्सीले बनाएका यी ५ रेकर्ड, के भविष्यमा दोहोरियलान् ?

एजेन्सी- अर्जेन्टिना तथा बार्सिलोनाका सुपरस्टार खेलाडी लियोनल मेस्सी विश्व फुटबलमा ‘गोल मेसिन’ रूपमा चिनिन्छन् । ३१ वर्षमा मेस्सीले आफ्नो आफ्नो फुटब जिवनमा अनेक रेकर्ड बनाएका छन् । उनले बनाएका कैयौ रेकर्ड अती दुर्लब छन् । जुन रेकर्ड ब्रेक हुन धेरै गाह्रो पर्ने छ । तिनै रेकर्ड जुन कुनै खेलाडीका लागि तोड्न असम्भवजस्तै छन् ।

लगातार चारपटक बालोन डि’ओर विजेता

विश्व फुटबल जगतमा मेस्सी एक मात्र खेलाडी हुन् । जसले लगातार चार पटक बालोन डि’ओर जितेका छन् । उनीसाग पाँच पटक बालोन डि’ओर विजेता क्रिस्टियानो रोनाल्डोले पनि लगातार चर पटक बालोन डि’ओर पजत्न सकेका छैनन् । 

विश्व फुटबलमा सन् २००८ मा ब्राजिलका काकाले यो अवार्ड जिते पछि रोनाल्डो र मेस्सीले एकछत्र राज गर्दै आएका थिए । तर, लगातार चारपटक बालोन डि’ओर जित्ने मेस्सी मात्रै हुन् । मेस्सीले सन् २००९, २०१०, २०११ र २०१२ मा लगातार यो अवार्ड जितेका थिए । 

एकै सिजनमा ९१ गोलको 

विश्व फुटबल र मेस्सीको करिअरमा यो एक निकै दुर्लभ रेकर्ड हो । जुन रेकर्ड मेस्सी स्वयमलाई पनि गाह्रो पर्नेछ । मेस्सीले सन् २०१२ मा एकै सिजनमा ९१ गोल गर्दै विश्व फुटबलकै दुर्लभ रेकर्ड बनाएका छन् । 

उनले रेकर्ड बनाउँदा सन् १९७२ मा मुलरले एक वर्षमा गरेको ८५ गोलको रेकर्डसमेत तोडेका थिए । सन् २०१२ मा मेस्सीले ६९ खेलबाट ९१ गोल गरेका थिए । त्यसमा उनले ७९ गोल बार्सिलोनाका लागि गर्दा बाँकी १२ गोल अर्जेन्टिनी राष्ट्रिय टोलीका लागि गरेका थिए ।

ला लिगामा सबैभन्दा बढी गोल 

मेस्सी ला लिगको इतिहासमा सर्वाधिक गोल गर्ने खेलाडी हुन् । उनले बार्सिलोनाको मात्रै नभई ला लिगामा समेत सर्वाधिक गोलकर्ताको रेकर्ड बनाए । उनले घरेलु लिगमा बार्सिलोनाका लागि हालसम्म ४०० गोलको कोसेढुंगा पुरा गरेका छन । 

उनी ला गिलामा ४ सय गोल पुरा गर्ने एक्लो खेलाडी हुन् ।  मेस्सीपछि दोस्रो स्थानमा क्रिस्टियानो रोनाल्डो छन् । उनले ३ सय ११ गोल गरेका छन् । मेस्सीलाई पछ्याइरेका रोनाल्डोले स्पेन छाडिसकेकाले अब मेस्सीको यो रेकर्ड अन्यले तोड्ने सम्भावना ज्यादै न्युन छ ।

ला लिगाको इतिहासमा सर्वाधिक असिस्टमा 

मेस्सीले ला लिगमा सर्वाधिक गोल कर्ताको रेकर्ड मात्र हैन । उनले सर्वाधिक असिस्ट गर्ने खेलाडीको समेत रेकर्ड बनाएका छन् । उनी हाल सम्म ला लिगको इतिहासमा सर्वाधिक धेरै असिस्ट गर्ने खेलाडी हुन् । उनले हालसम्म १ सय ५९ गोलमा पास मिलाएका छन् । 

सबैभन्दा कम उमेरमा चारपटक बालोन डि’ओर 

विश्व फुटबलमा सबै भन्दा कम उमेरमा चार पटक बालोन डि’ओर जित्ने रेकर्ड पनि मेस्सीकै नाममा छ । पाँच पटक बालोन डि’ओर जित्दा मेस्सीले २२ वर्षको उमेरमा पहिलो पटक यो अवार्ड जितेका थिए । 

त्यत्ति मात्रै हैन, उनले २५ वर्ष ६ महिना १२ दिन पुग्दा चारपटक बालोन डि’ओर जितेका थिए । यसबाट मेस्सी सबैभन्दा कम उमेरमा चार बालोन डि‘ओर जित्ने पहिलो खेलाडी बनेका हुन् ।