गुडिरहेको बसमा अचानक आगो सल्कियो

काठमाडौंको चन्द्रागिरि नगरपालिका-१५ स्थित ढुंगेअड्डा पिपलबोट अगाडि मूल सडकमा बसमा अचानक आगलागी भएको छ।

कलंकीदेखि थानकोटतर्फ गइरहेको बागमती प्रदेश ०३–०१–००५ ख ९७८६ नम्बरको सार्वजनिक बसमा आगलागी भएको हो। बसको फाइबर सर्ट भएर आगो सल्किएको प्रहरीले जनाएको छ।

नगरपालिकाको दमकल र स्थानीय ट्यांकरको सहायताले प्रहरी र स्थानीय मिलेर आगो नियन्त्रणमा लिएका छन्। बस पूर्ण रूपमा क्षति भए पनि मानवीय क्षति भने हुन पाएन।