सामसङको ग्यालेक्सी ए–५६ फाइभजी स्मार्टफोन प्रिअर्डर खुल्यो

काठमाडौं- सामसङ नेपालले पहिलोपटक आफ्नो नयाँ ग्यालेक्सी ए–५६ फाइभजी स्मार्टफोनको प्रिअर्डर घोषणा गरेको छ। यही मार्च २१ देखि २४ सम्म उपभोक्ताहरुले नयाँ ग्यालेक्सी ए–५६ फाइभजी स्मार्टफोनको प्रिअर्डर गरी विशेष अफरहरुको लाभ उठाउन सक्ने कम्पनीले जनाएको छ।

ग्यालेक्सी ए–५६ फाइभजीले पहिलोपटक शानदार बुद्धिमता (awesome intelligence) सहितको एआई अनुभव ल्याएको र अन युआई७ द्वारा सञ्चालित यस डिभाइसले सहज र शक्तिशाली एआई टुलहरु प्रदान गर्दै खोजी र भिजुअल अनुभवलाई पनि नयाँ उचाइमा पुर्‍याउने उद्देश्य कम्पनीको छ। साथै यसमा रहेको उच्चस्तरीइ क्यामेरा प्रविधि, टिकाउपन र उन्नत सुरक्षा विशेषताहरुले प्रयोगकर्तालाई सुरक्षित, भरपर्दौ र रमाइलो मोबाइल अनुभव सुनिश्चित गर्दछ।

सामसङ नेपालका निर्देशक प्रणयरत्न स्थापित भन्छन्, ‘ग्यालेक्सी ए शृङ्खलामा यसमा सामेल भएको नयाँ शानदार बुद्धिमता (awesome intelligence)ले सबैका लागि एआई अभियानलाई अझै मजबुत बनाउँछ। सबै प्रयोगकर्तालाई सुरक्षित र भरपर्दो अनुभवका साथ रचनात्मकतामा नयाँ सम्भावनाहरु खुला गर्न पाउँदा उत्साहित छौँ।’

नयाँ ग्यालेक्सी ए–५६ फाइभजी स्मार्टफोनको लागि मात्र दुई हजार रुपैयाँ तिरेर प्रिअर्डर गर्न सकिनेछ। प्रिअर्डर गर्ने ग्राहकले सात हजार ९९९ मूल्य पर्ने ग्यालेक्सी फिट ३ लाई मात्र तीन हजार ९९९ मा प्राप्त गर्न सक्नेछन्। तीन रंगमा उपलब्ध १२ जिबी र्‍याममा प्लस २५६ जिबी स्टोरेज भएको ए–५६ फाइभजीको ७० हजार ९९९ र ८ जिबी र्‍याममा प्लस २५६ जिबी स्टोरेज भएको ए–५६ फाइभजीको ६५ हजार ९९९ मा खरिद गर्न पाइने छ। साथै सबकोफोन र अर्कोस्टोरमार्फत पुरानो फोन साटेर नयाँ ग्यालेक्सी ए–५६ फाइभजीमा अपग्रेड गर्ने सुविधा पनि रहेको कम्पनीले जनाएको छ।

सामसङको इन्स्टाफाइनान्स सेवाअन्तर्गत हुलास फिनसर्भिस हाइगर पर्चेज लिमिटेडमार्फत नागरिकताको प्रमाणपत्रको साथमा देशभरका सामसङ स्टोरहरुबाट शून्य प्रतिशत व्याजदरमा इएमआई योजनाका साथ नयाँ ग्यालेक्सी ए–५६ फाइभजी स्मार्टफोन प्राप्त गर्न सकिने छ।