कांग्रेस कार्यसम्पादन समिति बैठक चैत १० मा बस्ने

काठमाडौं- नेपाली कांग्रेसले पार्टीको कार्यसम्पादन समितिको बैठक बोलाउने निर्णय गरेको छ।

पार्टी सभापति शेरबहादुर देउवा निवास बूढानीलकण्ठमा मंगलबार बसेको पदाधिकारी र पूर्वपदाधिकारी बैठकले चैत १० गते कार्यसम्पादन समितिको बैठक बोलाउने निर्णय गरेको हो।

बैठकमा राजावादीको प्रदर्शनका विषयमा पनि छलफल भएको थियो। अहिलेको व्यवस्था र संविधानको रक्षाको लागि सम्पूर्ण रूपमा क्रियाशील हुने निष्कर्ष कांग्रेसले निकालेको छ।