आइतबार, जेठ २१, २०८०

क्याप्टेन थापाले ल्याए ‘बारुदमाथि उड्दा’

 |  आइतबार, पुस १६, २०७४

नेपाल समय

नेपाल समय

आइतबार, पुस १६, २०७४
Everest Bank
Metro Mart
worldlink
काठमाडौं – क्याप्टेश रामेश्वर थापाको संस्मरणात्मक कृति ‘बारुदमाथि उड्दा’ सार्वजनिक भएको छ। आफ्नो ‘फ्लाइङ करिअर’मा ९ हजार घन्टाभन्दा बढी समय आकाशमा उडेका क्याप्टेन थापाको जीवनका अनुभूति समावेश भएको कृति ‘बारुदमाथि उड्दा’को शनिबार राजधानीको एलिस रिसेप्सनमा बिमोचन गरिएको हो। 

क्याप्टेन थापाले माओवादी जनयुद्धको कहालीलाग्दो समयमा जोखिम मोलेर घाइते सुरक्षाकर्मीको उद्धार गरेका थिए। युद्धकालमा अधिकांश भिडन्तस्थल पुगेर उद्धार कार्यमा जुटेका क्याप्टेन थापाले पुस्तकमा युद्धकालका आला घटना, छटपटाइरहेका घाइतेका चित्कार तथा बारुदको धुवाँमाथि उडेर गरिएको उद्धार कार्यको वर्णन गरेका छन्। 

क्याप्टेन थापाले पुस्तकमा रुकुमको खारा आक्रमण, दैलेखको नौमुले, रामेछापको बेथान आक्रमण, सिन्धुलीको भिमाद आक्रमण लगायत चालीसभन्दा बढी स्थानको घटनाक्रमको ब्याख्या पुस्तकमार्फत गरेका छन्। 

बिमोचन समारोहमा राजनीतिज्ञ, मानवअधिकारकर्मी, नागरिक अभियन्ता, पत्रकार, उद्योगी व्यवसायी लगायत प्रतिष्ठित व्यक्तिहरुको सहभागिता रहेको थियो। पुस्तकलाई बुक-हिलले बजारमा ल्याएको हो।

राष्ट्रिय मानवअधिकार आयोगका अध्यक्ष अनुपराज शर्मा र क्याप्टेन थापाकी आमा सूर्यकुमारी थापाले पुस्तकको संयुक्त रुपमा बिमोचन गरेका थिए। सञ्चार उद्यमीसमेत रहेका थापा अन्नपूर्ण मिडिया नेटवर्कका अध्यक्ष हुन्।
प्रकाशित: Dec 31, 2017| 06:23. 00 आइतबार, पुस १६, २०७४
प्रतिक्रिया दिनुहोस्

थप समाचार

कथा लेख्नुको मजा छुट्टै छ, धेरै पात्रको जीवन बाँच्न  पाइन्छ: मनिषा गौचन [अन्तर्वार्ता]

'फूलहरुको रंग छैन' कविता संग्रहमार्फत साहित्यमा दर्बिलो उपस्थिति जनाएकी मनिषाको उपन्यास ‘वल्लीको डायरी’ २०६३ मा प्रकाशित भएको थियो। यो उपन्यासले उनलाई राम्रोसँग चिनाएको छ।

त्रयम् अनि बुद्ध र भिखारी मञ्चन

एउटा फ्ल्याट लिएर भाडामा बस्ने तीन युवतीको कथा समेटिएको नाटक त्रयम् अनि बुद्ध र आफ्नो झुपडीमा मुसाले दिएको दुःखबाट दिक्क भएर भाग र भाग्यको अर्थ...