प्रहरीको ब्यारिकेडमा मोटरसाइकल ठोक्किँदा एकजनाको मृत्यु

दाङको लमहीमा मोटरसाइकल दुर्घटना हुँदा एकजनाको मृत्यु भएको छ। मृत्यु हुनेमा सल्यानको बागचौर नगरपालिका-३ घर भई हाल तुलसीपुर-९ बेलुवा बस्ने ३० वर्षीय लिलाराम डाँगी छन्।

लमही बजारबाट तुलसीपुरतर्फ जाँदै गरेको रा७प ४९५४ नम्बरको मोटरसाइकल रातोडाँडामा रहेको प्रहरीको ब्यारिकेडमा ठोक्किएर आज बिहान चार बजे दुर्घटना हुँदा मोटरसाइकल पछाडि सवार डाँगीको मृत्यु भएको थियो। 

मोटरसाइकल चालक रोशक विकको अवस्था सामान्य छ। उनलाई वडा प्रहरी कार्यालय लमहीले नियन्त्रणमा लिएको छ।