सुनको मूल्य तोलामा दुई हजारले बढ्यो

काठमाडौं- स्थानीय बजारमा आज सुनको मूल्य तोलामा रु दुई हजारले बढेको छ।

नेपाल सुनचाँदी व्यवसायी महासङ्घका अनुसार बिहीबार प्रतितोला रु एक लाख ६४ हजार पाँच सयमा कारोबार भएको छापावाला सुन आजका लागि एक लाख ६६ हजार पाँच सय निर्धारण भएको छ।

यस्तै, चाँदीको मूल्य तोलामा २०रुपैयाँले बढेको छ। बिहीबार प्रतितोला एक हजार नौ सय ६० मा कारोबार भएको चाँदी आजका लागि भने रु एक हजार नौ सय ८० निर्धारण भएको छ।