सुनको मूल्य दुई हजार घट्यो

काठमाडौं- स्थानीय बजारमा सुनको मूल्य तोलामा दुई हजार रुपैयाँले घटेको छ।

नेपाल सुनचाँदी व्यवसायी महासंघका अनुसार बिहीबार प्रतितोला एक लाख ४९ हजार पाँच सय रुपैयाँमा कारोबार भएको छापावाल सुनको आज एक लाख ४७ हजार पाँच सय रुपैयाँ मूल्य निर्धारण भएको छ।

यसैगरी बिहीबार प्रतितोला एक लाख ४८ हजार आठ सय रुपैयाँमा कारोबार भएको तेजाबी सुनको मूल्य आजका लागि भने एक लाख ४६ हजार आठ सय रुपैयाँ निर्धारण भएको छ।

चाँदीको मूल्य तोलामा ३० रुपैयाँले घटेको छ। बिहीबार प्रतितोला एक हजार आठ सय ६० रुपैयाँमा कारोबार भएको चाँदीको मूल्य आज एक हजार आठ सय ३० रुपैयाँ निर्धारण गरिएको छ।