भीम रावलको ३५ बुँदेले झस्किए ओली-प्रचण्ड 

काठमाडौं - नेकपा स्थायी समितिको बैठकमा मंगलबार भीम रावलले प्रधानमन्त्री केपी शर्मा ओली र प्रचण्ड झस्कने गरी ३५ बुँदे प्रस्ताव पेस गरेका छन्। ओली र प्रचण्डको राजनीतिक प्रतिवेदनमा असहमति राख्दै स्थायी समिति सदस्य रावलले ३५ बुँदे सुझाव पस गरेका हुन् । 

नेकपा नेतृत्व नै झस्कने गरी दिएको सुझावमा उनले पार्टी विधि सम्मत चल्नु पर्ने र पार्टीले संस्थागत निर्णय मार्फत सरकार संचालन गर्नुपर्नेमा जोड दिएका छन् । अध्यक्षद्धय केपी ओली र प्रचण्डको राजनीतिक प्रतिवेदनमा बिमत्ति राख्दै रावलले स्थायी समिति गठन पछि  सचिवालय गठन गर्ने कुरा नभएको र महासचिव समेत विना अधिकार  चयन गरेको भन्दै आपति प्रकट गरेका छन् । 

रावलले स्थायी समितिको म्यान्डेट बिनानै सचिवालयको गठन भएको भन्दै त्यसप्रति असन्तुष्टि जनाएका छन् । उनले पार्टीको विधानमा सचिवालयलाई राजनीतिक र संगठनिक निर्णय गर्ने अधिकार नभएको दावी गरेका छन् । 

रावललले स्थायी समितिको निर्णय विपरित सचिवालयले  राजनीतिक र संगठनिक निणय गर्न थालेको आरोप लगाएका छन् ।