आदिकवि भानुभक्तको आह्वान- 'भूमाफियाविरुद्ध धराने  जनता एक हौँ'

धरान- कोशी पाहाडका धनकुटा, भोजपुर, संखुवासभा र तेह्रथुम जिल्लाका गाडी आएर तराईमा ठोकिने गन्तव्य हो धरानको भानुचोक । र, धरानको भानुचौकको मुटुमै छ आदिकवि भानुभक्तको सालिक । सालिक भएर  उभिएका भानुभक्त पछिल्ला केहि दिनमा प्ले कार्ड बोकेर उभिएका जस्तै देखिन्छन । 

मुर्ती आगाडि, पछाडि र दाँया, बाँया विभिन्न नारा लेखिएका प्ले कार्डहरु राखिएका छन । जसमध्येको एक प्ले कार्डमा लेखिएको छ, 'सार्वजनिक सम्पत्तिको सुरक्षा गरौँ ।' क्याम्पसको नाम छोटकरिमा लेखिएको अर्को प्लेकार्डमा अंग्रेजीमा लेखिएको छ, 'महेन्द्र बहुमुखि क्याम्पस जोगाऔँ । महेन्द्र क्याम्पस हाम्रो घर हो ।'

यि र यस्तै नाराहरु लेखिएका पोस्टर, प्ले कार्ड र पपलेट अनि सडक संघर्षका कार्यक्रमहरु पछिल्ला हप्तामा धरानका सडक सडकमा गुन्जिएका छन । विद्यार्थी नेता देखी सर्वसाधारणसम्म यि मागको पक्षमा छन । तर, केहि स्वार्थ समुहहरु भने यो कुराको विपक्षमा छन । 

यस्तो छ भानुभक्त सालिकको भूमाफिया आन्दोलनको कथा

प्रदेश १ को पुरानो र नामि  सरकारी क्याम्पस हो धरानको महेन्द्र बहुमुखि क्याम्पस । वि.सं. २०१२ सालमा स्थापना भएको त्रिभुवन विश्वविद्यालयको आंगिक क्याम्पस महेन्द्र बहुमुखि क्याम्पसले २०३४ सालमा जग्गा किन्यो । धरानका स्थानिय श्यामगोविन्द श्रेष्ठसँग क्याम्पसले १७ कठ्ठा १८ धुर जग्गा किन्यो ।
 
धरानको स्वत्तिक चौक नजिकैको यो जग्गाको भोगचलन क्याम्पसले आफ्नो स्वामित्वमा ल्याएको ठिक ४१ बर्षपछि एकाएक नक्कली मोहि खडा गरिएको छ । डम्बरबहादुर घिमिरे मोहि भएको जग्गा क्याम्पसले खरिद गरिएको चार दशकपछि नक्कली मोहि घिमिरेका माइला छोरा यज्ञ बहादुर क्षेत्रीले जिल्ला भुमिसुधार कार्यालय सुनसरीमा मुद्धा दायर गरेका छन । गत मंसिर १० गते  क्षेत्रिले मुद्धा दायर गरेपछि धरानमा खैलाबैला भएको हो ।
 
तत्कालिन मोहि घिमिरले मोहि त्याग गरेको डकुमेन्ट हराएपछिको कानुनि छिद्र प्रयोग गरेर भूमाफियाहरुले मुद्धा हाल्न उकासेको विद्यार्थीहरु बताउँछन । स्वतन्त्र विद्यार्थी युनियन धरानका सदस्य कुन्दन अधिकारी बताउँछन । साबिक धरान नगरपालीकाको ९ कको कित्ता नम्बर २६६ को उक्त जग्गामा वास्तबिक मोहि डम्बरबहादुर घिमिरेको २०५६ फागुन ५ मा र आमाको २०६४ पुष १४ मा मृत्यू भएपछि छोरालाइ नक्कली मोहि खडा गर्नुमा माफियाको चलखेल भएको विद्यार्थी र क्याम्पस प्रशाशनको भनाइ छ  । 

यो चलखेलको विरुद्धमा अहिले क्याम्पसको जग्गा बचाउ संघर्ष समिति बनेको छ । स्वतन्त्र विद्यार्थी युनियन महेन्द्र बहुमुखि क्याम्पसका सभापति सागर सरगम लिम्बुले यो समितिको अगुवाइ गरिरहेका छन । विभिन्न विद्यार्थी संगठनहरुले यसमा समर्थन गरेर विभिन्न आन्दोलनका कार्यक्रमहरु धरानमा जारि छन । 

खनजोत नगरेको जग्गमा नक्कली मोहि खडा हुनुपछाडिको १५ करोडको खेल

क्याम्पसले किनेर छात्रावासमा चार दशक बढि प्रयोग गरेको जग्गामा नक्कली मोहि खडा हुनुका पछाडि १५ करोडको खेल देखिन्छ । प्रति धुर ४ लाख रुपैयाँमा किनबेच हुने उक्त क्षेत्रमा १७ कट्ठा १८ धुर जग्गा छ । १ कट्ठाको २० धुरको दरले १७ कट्ठा १८ धुर जग्ग भनेको ३५८ धुर जग्गा हो । सरसर्ति ३५८ धुर जग्गाको हिसाब ४ लाखको दरले गर्दा  १४ करोड ३२ लाख रकम हुन आँउछ । जग्गाको दाम हरेक दिन बढ्ने हुनमाले मुद्धा जितेर आएको अवस्थामा यसको मुल्य १५ करोड बढि हुने जानकारहरु बताउँछन । 

यहि पैशाको खेलका कारणले धरानको महत्पुर्ण सार्वजनिक जग्गा हडप्ने प्रयास भएको क्याम्पस प्रमुख चन्द्रकुमार राई बताउँछन । उनी भन्छन, 'न खनजोत भएको प्रमाण छ । न  सहि मोहि नै हो । हुँदै नभएको बिषयमा बखेडा निकालेर सार्वजनिक सम्पत्तिलाइ हडप्न खोजिएको प्रष्ट छ ।'