गौरीकलाको बलात्कारपछि हत्याः दोषीलाई जन्मकैदको फैसला

सुर्खेत-बलात्कारपछि हत्या गरिएकी सुर्खेत पञ्चपुरी-३ की गौरीकला रोकायका अभियुक्तलाई जन्मकैदको फैसला भएको छ। 

जिल्ला अदालत सुर्खेतलका न्यायाधीश ध्रुवकुमार शाहीको एकल इजलासले अभियुक्तलाई जन्मकैदको फैसला सुनाएको हो । हत्यामा संलग्न सुर्खेत पञ्चपुरी–८ बाँझीगाउँका लक्ष्मी बास्तोला, खुमप्रसाद बास्तोला र दैलेखका हरिप्रसाद कोइरालालाई अदालतले जन्मकैदको फैसला गरेको हो । 

लक्ष्मी र खुमप्रसाद एउटै घरका दाजुभाई हुन भने कोइराला अस्थायी ट्राफिक पोष्ट बाबियाचौरमा कार्यरत ट्राफिक प्रहरी थिए । बलात्कारपछि हत्या गरेको अभियोगमा दोषी ठहर गर्दै जन्मकैद भएको अदालतका रजिष्ट्रार भुपाल भण्डारीले जानकारी दिए । 

दोषी तीनै जनालाई २० वर्ष कैद र मृतकका हकवालाले एकलाख रुपैयाँ क्षतिपूर्ति भराई लिन पाउने गरी फैसला अदालतले जनाएको छ । साथै मुलुकी ऐन जवरजस्ती करणी महलको दफा १ र ३ नम्बरको कसुरमा दफा ३ (४) को उपदफा ३ ‘क’ अनुसार ७ वर्ष कैद र थप ५ वर्ष सजाय अदालतले तोकेको छ । 

अभियुक्तलाई मुलुकी ऐन कतव्र्य ज्यान सम्बन्धी महलको दफा १ र १३ को उपदफा ३ बमोजिम कसुर पुष्टि हुन आएकाले सो महलक बमोज जन्मकैदको सजाय सुनाइएको हो ।

गौरीकलालाई एसईई परीक्षा केन्द्र बाबियाचौर नजिकै गत चैत्र १३ गते बलात्कारपछि हत्या गरिएको थियो । हत्यापछि उनीहरु बिरुद्ध २०७५ बैशाख ९ गते जिल्ला अदालत सुर्खेतमा मुद्दा दायर भएको थियो ।