सुनुवाई समितिले माग्यो जबराको विषयमा उजुरी

काठमाडौं – भावी प्रधानन्यायाधीशका लागि सिफारिस भएका चोलेन्द्र शमशेर जबराको विषयमा संसदीय सुनुवाई विशेष समितिले उजुरी माग गरेको छ। 

संवैधानिक परिषद्बाट सिफारिस भएका जबराको संसदीय सुनुवाइका लागि आइतबार बिहान सिंहदरबारमा बसेको बैठकले सोमबारबाट १० दिने समय सिमा तोक्दै उजुरी माग गर्ने निर्णय गरेको हो। 

गत विहीबार बसेको संवैधानिक परिषद्को बैठकले जबरालाई प्रधानन्यायाधीशमा सिफारिस गरेको र सुनुवाइका लागि समितिलाई पत्राचार गरेको थियो। समितिका सभापति लक्ष्मणलाल कर्णका उक्त पत्रका आधारमा समितिले उजुरी माग गर्ने निर्णय गरेको हो।

जबरा विरुद्ध उजुरी परेपछी प्रस्तावित व्यक्तिले जवाफ दिएपछि स्वीकृत वा अस्वीकत के गर्ने भनेर समितिले निर्णय गर्नेछ। समितिले स्वीकृत गरेपछि राष्ट्रपतिले नियुक्ति गर्ने संवैधानिक प्रावधान छ।  सुनुवाई समितिले अनुमोदन गरेमा जबरा सर्वोच्चको २८औं नेतृत्वमा पुग्ने छन्।