आईपीएलमा बैंग्लोरको लगातार तेस्रो जित

काठमाडौँ- कप्तान फाफ डु प्लेसिस र विराट कोहली ब्याटबाट चम्केपछि रोयल च्यालेन्जर्स बैंग्लोरले गुजरात टाइटन्सलाई चार विकेटले हराएको छ।

बैंग्लोरको यो लगातार तेस्रो जित हो। यससँगै टिमको प्ले–अफ खेल्ने झिनो सम्भावना कायम राखेको छ।

जितका लागि १ सय ४८ रनको सामान्य लक्ष्य पछ्याएको बैंग्लोरका लागि प्लेसिसले ६४ र कोहलीले ४२ रन बनाए। उनीहरूले ३५ बलमा ९२ रनको साझेदारी गर्दै जितको आधार तयार पारे।

गुजरात १९.३ ओभरमा १ सय ४७ रन बनाएर अलआउट भएको थियो। यो जितपछि बैंग्लोर सातौं स्थानमा उक्लेको छ भने गुजरात नवौं स्थानमा झरेको छ।