युगले मागेको विपीन

काठमाडौं – राजधानीमा एक कार्यक्रमकाबीच गजलकार विपीन सलामीको ‘रानी चडी’ गजल सङ्ग्रहलाई ‘जोगमाया चापागाईं गजल पुरस्कार २०७५’ प्रदान गरिएको छ। शनिबार सर्वनाम थ्रेटरमा आयोजित कार्यक्रममा २५ हजार राशिको उक्त पुरस्कार प्रदान गरिएको हो।

पुरस्कार प्रदान गर्दै गजलकार ज्ञानुवाकर पौडेलले विपीन युगले मागेको गजलकार भएको बताएका छन्। ‘पहिलो भेटमा म विपीनप्रति आकर्षित हुन सेको थिएन। जब विपीनलाई बुझ्दै गए। विपीले आफुतर्फ आकर्षित गर्दै लगे’, उनले भने, ‘विपीनका गजलमा शक्ति छ। वीपिन यो युगले मागेको गजलकार हो।’

पौडेलले विपीनका गजल सरल हुने र जनजीवनसँग जोडिएका हुनेगरेका बताए। पुरस्कार पाउन योग्य व्यक्तिले नै पुरस्कार पाएको पौडेलले बताए।

साहित्यकार विवेक विषालुले दशकौदेखि एउटै खाले गजल पाइरहेको नेपाली साहित्यले वीपिनको आगमनसँगै नयाँ धारका गजल पाएको बताए। उनको शसक्त लेखनीले छोटो समयमा नै स्थापित हुन सफल भएको बताए। 

गजलकार विपीले सम्मानले आफुलाई थप जिम्मेवार बनाएको बताए। आफुले मनबाट नै सिर्जना गर्ने गरेको र समाजलाई छुने रचना कोर्ने गरेको उनको भनाई छ। कार्यक्रमको सञ्चालन गजलकार बावु त्रिपाठिले गरेका थिए।