ब्रिगेडलाई पराजित गर्दै च्यासल लिगको पाँचौस्थानमा 

काठमाडौं- सहिद स्मारक ‘ए’ डिभिजन लिग फुटबलमा च्यासल युथ  विजय भएको छ । सातदोबाटोस्थित एनफा कम्प्लेक्समा शनिबार भएको खेलमा ब्रिगेड ब्वाइजलाई २-० ले पराजित गरेको हो । यस जिलसँगै च्यासलले जारी लिगमा चौथो जित दर्ता गरेका छ । 

च्यासलको जितका लागि सन्त बहादुर गुरुङ र संजोक राईले समान एक-एक गोल गरे । दुबै टोलिले पहिलो हाफ गोलरहित बराबरी खेलेका थिए । खेलका दुबै गोल दोस्रो हाफमा सम्भव भएका थिए । 

च्यासलले खेलको ६५ औं मिनेटमा खेलमा अग्रता लिएको थियो । च्यासललाई सुरुवाती अग्रता दिलाउन सन्त बहादुरले गोल गरेका थिए । त्यसपछि खेलको ८२ औं मिनेटमा संजोकले गोल गर्दै च्यासलको अग्रता दोब्बर पारे । 

त्यसपछि दुबै टोलीबाछ कुनै पनि थप गोल नहुदा च्यासलले खेल २-० ले जितेको हो । खेलमा च्यासलका संजोक राई म्यान अफ दि म्याच चुनिए । जितसँगै च्यासलले ८ खेलबाट १३ अंक जोड्दै लिगको पाँचौ स्थानमा उक्लिएको छ । यता ब्रिगेड भने ४ अंक जोडेर १२ औं स्थानमा रहेको छ ।