सिन्धुपाल्चोकमा जन्ती बस दुर्घटना, तीन जनाको मृत्यु

काठमाडौं- सिन्धुपाल्चोकको तौथलीमा जन्ती बोकेको बस दुर्घटना हुँदा तीन जनाको मृत्यु भएको छ।

दोलखाबाट सिन्धुपाल्चोकको त्रिपुरासुन्दरी गाउँपालिका-४ स्थित पिस्कर गइरहेको बा ४ ख ५६१६ नम्बरको बस आज बिहान साढे सात बजे दुर्घटना भएको हो।

दुर्टनामा दुलहासहित ३२ जना घाइते भएका छन् र गम्भीर घाइते पाँच जनालाई खाडीचौर लगिएको छ। 

मृत्यु हुनेको पहिचान खुलेको छैन। घटनास्थलमा प्रहरी पुगेर उद्धार गरिरहेको छ।