कारावागमाथि आर्सनलको संघर्षपूण जित

एजेन्सी- बिहिबार राति भएको युइएफए युरोपा लिग फुटबलमा इंग्लिस क्लब आर्सनलले संघर्षपूर्ण जित निकालेको छ । अजरबैजानको फुटबल क्लब कारावागसँग आर्सनलले १-० को संघर्षपूर्ण जित निकालेको हो । 

खेलको एक मात्र गोल पहिलो हाफमा सम्भव भएको थियो । आर्सनलले पहिलो हाफको १६ औ मिनेटमा नै सुरुवाती अग्रता लिएको थियो । तर, पनि त्यस पछि दुबै टोलीले कुनै पनि गोल गर्न सकेनन् । 

आर्सनलको जितका लागि एक मात्र खेलको निर्णायक गोल एलेक्जेन्डर लाकाजेटले गरेका थिए । उनले मेसुट ओजिलको पासमा गोल गरेका थिए । यससँगै आर्सनलले युरोपा लिग फुटबलको समूह चरणमा अपराजित रहँदै समूह ‘ई’ को विजेताको रुपमा प्रि-क्वाटरफाइनलमा पुग्न सफल भएको छ । 

कारावाग ३ अंक जोडेर पुछारमा रह्यो । यही समूहको अर्को खेलमा स्पोर्टिङ लिस्वनले भोर्सकालाई ३-० ले पराजित गर्दै समूह उपविजेताको रुपमा अन्तिम १६ मा पुग्न सफल भयो । स्पोर्टिङको जितमा फ्रेड मोन्टेरो र मिगुइल लुइसले गोल गर्दा एक गोल उपहार पाएको थियो ।