पोखरा र चितवनलाई प्ले-आफमा पुग्न जित्नै पर्ने दबाब

काठमाडौं- एभरेष्ट पिमियर लिग (इपीएल) मा शुक्रबार दुई खेल हुँदैछ । पहिलो खेलमा विराटनगर वारीयर्सले चितवन टाइगर्सको सामना गर्दै छ भने दोस्रो खेलमा पोखरा राइनोजले काठमाडौं किंग्स इलाभेनसँग भिड्दै छ ।

शुक्रबारको खेलमा लगातार पराजित हुँदै आएका चितवन र पोखरा पराजित भए काठमाडौं र विराटनर सोझैप्ले अफमा पुग्ने छन् । पहिलो खेल ९ बजेबाट सुरु हुने छ । उपाधिको प्रमुख दावेदार मानिएको विराटनगर जारी इपीएलमा ३ खेलमा दुईमा जित र १ मा हार सहित ४ अंक जोडेको छ । 

विराटनगरको प्ले अफ सम्भावना अन्य तीन टोली भन्दा उच्च रहेको छ ।यो खेलमा विराटनगर विजयी भए प्ले अफमा पुग्ने छ । समुह चरणको अन्तिम खेल विराटनगरले सोमबार काठमाडौंसँग खेल्ने छ ।

चितवनले आज जित निकाल्न सके अंक गणितीय झिनो आसा जिवीतै राख्ने छ । पराजित भएमा चितवनको यात्रा समूहचरणमा नै सकिने प्रबल सम्भावना छ । चितवन पहिलो खेलमा ललितपुसँग ११ रन, दोस्रो खेलमा काठमाडौंसँग ६ विकेट र भैरहवासँग १२ रनले पराजित भएको थियो । 

त्यस्तै शुक्रबारको दोस्रो खेलमा पोखराले काठमाडौंको सामना गर्ने छ । खेल १ बजेबाट सुरु हुने छ । यो खेलमा पनि पोखरा पराजित भए लगातार चार खेलमा हारका साथ समुह चरणबाटै घर फर्किने छ । पहिलो खेलमा चितवनलाई ६ विकेटले हराएको काठमाडौंले दोस्रो खेलमा ललितपुरसँग १० विकेटको फराकिलो हार खान पुगेको थियो । 

१० विकेटको फराकिालो हारले काठमाडौंलाई नेट नरेटमा ठूलो धक्का लागेको छ । रोहन मुस्ताफाको आगमनसँगै काठमाडौँ झनै बलियो देखिएको छ । ललितपुर प्याट्रीयट्स एक र भैरहवा ग्ल्याडीयर्स दुई खेल अगावै प्ले अफमा पुगिसकेका छन् ।