रोकिएन सुनको मूल्यवृद्धि, आज पनि रेकर्ड

नेपाल समय | सोमबार, चैत २६, २०८०

नेपाल समय

सोमबार, चैत २६, २०८०

काठमाडौं- नेपाली बजारमा आज (सोमबार) पनि सुनको मूल्यले पुनः नयाँ रेकर्ड कायम गरेको छ। लगातार नयाँ रेकर्ड बनाइरहेको सुनको मूल्य आज हालसम्मकै उच्च विन्दुमा पुगेको हो।

आइतबार (हिजो) हालसम्मकै उच्च मूल्य प्रतितोला एक लाख ३५ हजार ६ सय रूपैयाँमा कारोबार भएको थियो। आज सुन प्रतितोला एक लाख ३६ हजार दुई सय रूपैयाँ पुगेको छ। यो मूल्य पछिल्लो रेकर्डभन्दा ६ सय रूपैयाँ बढी हो।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ३६ हजार दुई सय रूपैयाँ र तेजाबी सुन प्रतितोला एक लाख ३५ हजार पाँच सय ५० रूपैयाँमा कारोबार भइरहेको छ।

आइतबार छापावाल सुन प्रतितोला एक लाख ३५ हजार ६ सय रूपैयाँ र तेजाबी सुन प्रतितोला एक लाख ३४ हजार नौ सय ५० रूपैयाँमा कारोबार भएको थियो।

प्रकाशित: Apr 08, 2024| 11:21 सोमबार, चैत २६, २०८०