प्रधानसेनापति थापाले गरे निरीक्षण भ्रमण

काठमाडौं- प्रधानसेनापति महारथी पूर्णचन्द्र थापाले बिहीबार पोखरास्थित पश्चिम पृतना हेडक्वाटर, खैरनीटारस्थित–३ बाहिनी अड्डा र सैनामैनास्थित श्री नं। २ तालिम गणको निरीक्षण भ्रमण गरेका छन्।

निरीक्षण भ्रमणको क्रममा प्रधानसेनापति थापाले उक्त पृतना तथा तालिम गणहरुको स्थलगत वस्तुस्थिति, सैन्य आधार तालिमको गतिविधि, बन्दोबस्तीलगायत अन्य विविध पक्षबारे जानकारी हासिल गर्नुको साथै सकलदर्जालाई सम्बोधन गरेका थिए।

साथै, उनी आज पोखरास्थित पश्चिम पृतना हेडक्वाटरमा मुकाम रही शुक्रबार अन्य युनिटहरुको निरीक्षण पश्चात काठमाण्डौं फिर्ता हुने कार्यक्रम छ।