घरेलु मैदानमा रियलको लज्जासपद हार

एजेन्सी- बुधबार राति भएको युइएफए च्याम्पियन्स लिग फुटबलमा स्पेनिस क्लब रियल मड्रिडले लज्जासपद हार व्यहोरेके छ । घरेलु मैदानमा समुह चरणको अन्तिम खेलमा रुसी क्लब सीएसएसके मस्कोसँग ३-० को लज्जासपद हार व्यहोरेको हो । 

मस्कोको जितका लागि फेडोर चालोभ, जर्जि शेनेकोभ र अर्नोर सिगुर्डसनले समन एक एक गोल गरे । पहिलो हाफमै मस्कोले घरेलु टोलीविरुद्ध २-० को अग्रता बनाएको थियो ।

त्यस्तै दोस्रो हाफमा थप एक गोल गर्दै मस्कोले रियललाई उसैको घरेलु मैदानमा ३-० को लज्जासपद हारको स्वाद चखाएको हो । मस्कोले खेलको ३७ औं मिनेटमा अग्रता लिएको थियो । 

३७ औं मिनेटमा चालोभले गोल गर्दै मस्कोलाई सुरुवाती अग्रता दिलाए । त्यस्तै खेल सकिन दुई मिनेट बाँकी रहँदा शेनेकोभले गोल गर्दै मस्कोलाई पहिलो हाफमा २-० को अग्रता दिलाए । 

दोस्रो हाफमा थप एक गोल गरेको मस्कोका लागि खेलको ७३ औं मिनेटमा सिगुर्डसनले गोल गरे । यस गोलसँगै रियल मस्कोसँग ३-० ले पराजित भएको हो । हारसँगै रियल ९ बर्षपछि घरेलु मैदानमा स्तब्ध हुन पुग्यो । 

यसअघि सन् २००८र९ को सिजन घरेलु मैदानमा रियल युभेन्ट्ससँग पराजित भएको थियो । घरेलु मैदानमा पराजित भएपनि रियल यसअघि नै समूह ‘जी’ को विजेताको रुपमा दोस्रो चरणमा प्रवेश गरि सकेको थियो । 

यस समूहबाट इटालियन क्लब रोमा दोस्रो स्थानमा रहदै नकआउट चरणमा पुग्यो । बुधबार राति भिक्टोरिया प्लेजेनसँग २-१ ले पराजित भएपनि रोमाले ९ अंक जोड्दै प्ले अफमा प्रवेश गरेको थियो ।